الأحد، 30 أغسطس، 2015

سالاد بوتيك


مطعم سالاد بوتيك المختص بالسلطات اللذيذه والمقبلات والوجبات الخفيفه طبق السلطة عندهم كبييير بالغصب تقدر تكملونه ابروحكم والسلطه تعتبر عندهم كطبق رئيسي لان مكوناتها غنيه قائمة طعام سالد بوتيك أكثر من 100 نوع من السلطات بنكهات مختلفة مستوحاة من تجارب ورحلات ومذاقات ومكونات عالمية








سلطة السالمون سلطتي المفضله عندهم لذيييذه


ريزيتو ربيان حده يمي









المطعم صغير ديكوراته  مميزه والمرايات امخليه المكان واسع















مجمع ديڤون  ابو الحصاني


Instagram: @saladboutique
www.saladboutique.com

الأربعاء، 26 أغسطس، 2015

كيكة المفاجآت


حسب رغبة متابعيني في لسناب راح انزل خطوات كيكة المفاجآت في المدونه لان بعد مانزلت بوست عنها في الانستغرام   اقول  فيه اللي حاب يعرف خطوات الكيكة يدخل علي لسناب  من بعدها تلقيت اضافات كثيره ولاقت اعجاب متابعيني  وبعد مرور ٢٤ ساعه انتهي وقت لسناب  ومازالو المتابعين الجدد يطلبون مني اعادة الخطوات 




نخبز خليط اي كيكة مفضله لنا في قالب بيضاوي 



وبعد ماتستوي وتبرد نقطع الجزء العلوي 



نفرغها من الداخل بحذر 


ندهن الطرف الداخلي بكميه قليله من الكريما


نحشيها بالحلويات او هديه صغيره 


نغطيها في القطعه الثانيه المفرغه 



ندهن جميع اطراف الكيكه بالكريما



نغطيها تماماً


ونزينها حسب ذوقنا ونقدمها لصاحب المناسبه 
ونطلب منه تقطيعها و راح يتفاجأ فيها 

الجمعة، 14 أغسطس، 2015

جسر أقفال الحب بفرانكفورت - ألمانيا


الجسر الحديدي “ إيسرن ستيغ ” المشهور باسم جسر الاقفال و جسر الحب  



الجسر على نهر الماين السواح يزورونه يعلقون قفول الحب اللـي باعتقادهم ترمز إلى أبديـة الـعلاقـة بيــن حبيبين أو زوجين يوثقون علاقتهم مــن خلال هـالقفل احفرو عليه أسماءهم وعلقوه علــى السـور الحديـدي والمفتـاح يحذفونه في النهر 








الجسر للمشاه والدراجات الناريه  وغير مخصص للسيارات
 علي اطراف نهر الماينز حدايق وممرات مشاه  ومطاعم بداخل طوافات  راسيه باطراف النهر  وتكثر الزحمه بعطله نهايه الاسبوع  






 من اجمل اللقطات اللي التقطناها علي الجسر عن طريق  الطياره  الهلوكبتر المحموله بكميرا قوبرو 






اول تجربه لفيديو تصوير كامرة الهلوكبتر  كنا انا واعيالي على الجسر وزوجي بالحديقه علي النهر يتحكم بالريموت صوت المراوح ملفت للنظر والناس تجمعو علينا يسون لها باااااي ويصورونها 












السبت، 8 أغسطس، 2015

منتزه الملاهي لرخميولا - ألمانيا




لوخميولا من امتع المنترهات اللي زرتها في ألمانيا - فرانكفورت  حديقه فيها العاب بسيطه ذاتيه اللعب ومافيها عمال يم الالعاب علشان ينضمون الدور ويشغلون اللعبه  انت ابروحك تشغلها وتلتزم بالتعليمات المكتوبه علي مدخل اللعبه وتلعب ابروحك والكل ملتزم بالدور  يعني اخدم نفسك بنفسك ماكو الا لعبتين شفت عامل يشغلها اللي اهيا قطار الموت ولعبه سريعه مشابهه لها  








المنتزه فيه اماكن مخصصه للشوي اهما اموفرين الشوايات وانت تييب الفحم والاكل وتشوي براحتك والشويات احجام واشكال والشوايات يم اكواخ في منها لصغيره ولكبير تقدرون تاكلون داخلهم وترتاحون علي ما اليهال يلعبون 





المنتزه بالاساس كان مطحنه سابقه للحبوب ومزرعه للانتاج الزراعي وحضيره حيوانات ولازالو في هذا الوقت محافظين علي البيئة الريفية و العلاقة بين البشر و الحيوانات و الطبيعة يتم عرض الحياة اليومية للفلاحين واللعب مع الحيوانات والاطفال يقدرون يركبون الجرار و قطار السكك الحديدية اللي يمر فى وسط الحقول على إمتداد الطريق الزراعي








المنتزه فيه بحيره وفي مطاعم وقهاوي مختلفه وبكل زاويه وجزء في لعبه تشوق لاحضو التلفريك اللي فوق البحيره 


 ولدي الله يحفظه يبي يلعب هاللعبه وهي عباره عن حبل وامعلق عليه كرسي بقوه الدفع يورح بعيييد ويرج مثل التلفريك الصراحه خفت  انه يجربها لان بيكون ابروحه وكنت احاتي يصير فيه شي او يخاف واهوا بعيد عني وما اقدر اسوي له شي  لكن قويت قلبي وقلت ماراح ابين له خوفي علشان مايخاف مدام اهوا متشجع ويبي يجربها  وعقب ما صعد وجربها من الوناسه بنتي اللي اصغر منه اصعدتها  ومن المتعه اللي شفتها عليهم انا صعدتها واستانست اكثر منهم 





 مثل ما قلت لكم الالعاب بسيطه وغير الكترونيه لكنها ممتعه والعيال استانسو عليهم واغلب الالعاب احنا نحركم اما بطريقه الدراجه الهوائيه (قاري) او نحركها بالحبل  او بالأيد 












الخميس، 6 أغسطس، 2015

المانيا - بادهمبورغ ٢٠١٥

في شهر مايو ٢٠١٥ سافرت ألمانيا وبالتحديد فرانكفورت لزياره الوالد اللي كان يتلقى العلاج في احد المستشفيات و كانو ساكنين في منطقه بادهمبورغ الساحره اهي اول الاسباب اللي خلتني احب ألمانيا من بعد ما كنت شايلتها من قائمه الدول الاوربيه اللي اتمني ازورها وتغيرت نظرتي عن الدوله وحبيتها وماعندي مانع ازورها كل سنه



بادهمبورغ اهيا احد ضواحي فرانكفورت تبعد عن المطار تقريبا نص ساعه بالسياره ، المدينه محافظه على تقاليدها باعتبارها المقر السابق لأمراء منطقة هيسن ـ هومبورغ وكانت المقر الصيفي للعائلة الامبراطورية الألمانية ومنتجع صحي إحتل مرتبة عالمية في القرن التاسع عشر الميلادى تحولت مدينة المنتجعات و النقاهة اليوم إلى مدينة للصحة فيها أحدث المرافق و المعدات الطبية فى مستشفى الأمراض الحادة ومستشفيات النقاهة و متابعة العلاج و مستشفيات إعادة التأهيل واشهر الحمامات الملكىه للشفاء هي حمامات تاونوس عبارة عن حمامات معدنية تهتم بتقديم الخدمات الطبية و الشفاء





منطقه هاديه وآمنه والبيوت اللي فيها راقيه اهلي كانو مأجرين بيت بوسط المدينه يمهم حديقه كبيره اسمها كور بارك او بادهمبورغ سنترال بارك فيها آثار تاريخيه مثل القلعة و حديقتها ونصب تذكاريه والحديقه تخضع لقانون حماية الآثار بمبانيها و آثارها التاريخية و المناظر الطبيعية الأميرية التى تمتد حتى غابات تاونوس.











هذا تصوير من فوق الحديقه اخذته من زوجي كان يجرب التصوير من الطياره ومن بعد هالتجربه طاحت الطياره وانكسرت حسافه تونا في اول الرحله 









وهذا التصوير من وسط المدينه وكنيسة آيا صوفيا في هايدلبيرغ






السوق يبعد عن بيت اهلي ١٥ دقيقه مشي  وهو عباره عن مركز للمشاه فيه محلات تجاريه  ومطاعم وكافيهات 





 فريجهم هادي ووايد امان يهال وعوايل يتمشون بالليل وكل واحد بحاله ماله شغل بالثاني وهذا ثاني سبب خلاني احب ألمانيا ، ومثل ماقلت لكم يمهم السوق والسوبرماركت  ويمهم مطاعم حلال في تركي ولبناني  وبقاله ايرانيه تبيع  كل المنتجات العربيه  وكل هذا مشي 





                  واجهة البيت المكون من طابقين وسرداب 






الواجهه الداخليه للبيت المطله على الحديقه الخاصه








طبعا الورد بكل مكان وكل زاويه واحنا ندوره دواره وخصوصا لتيولب












تابعوني علي الانستغرام 
Surprise_More@