السبت، 8 فبراير 2014

زعفران اسباني فاخر مطحون


اوصلتني نقصه لاحلى زعفران  اسباني فاخر سويت منه ذيك لحليبه الخنينه اللي يحبها قلبكم


هالزعفران متوفر باغلب جمعيات الكويت التعاونيه و إللي يميزه انه بودر مو شعيرات  يعني زعفران مطحون 


ومغلف بباكيت يشبه باكيت الشوربه داخله ٥ اچياس صغار 
الواحد يكفي لعدة مرات .. لكوب الحليب رشيت رشة صغيره  





تحصلونه في :
جمعية السره التعاونيه ، جمعية الشامية التعاونيه ، جمعية الجابرية التعاونيه ، جمعية النزهه التعاونيه ، جمعية مشرف التعاونيه ، جمعية الخالدية التعاونيه ، جمعية حطين التعاونيه ، جمعية السلام التعاونيه ، جمعية كيفان التعاونيه ، جمعية السالميه التعاونيه ، جمعية الدعية التعاونيه ، مطحنة سيتي سنتر السالميه







Telefax : +965 22621312 - 97999793 - 66626603
Email : sma.fgt.ku@hotmait.com

بحر الكويت


وانا اتمشي علي البحر وبالتحديد شاطى الشويخ عجبني الاهتمام بمرافق التسليه على الشاطى الكراسي الملونه علي طول خط البحر العاب الاطفال والمظلات اللي داخلها كراسي شكلها روووعه 




لكن التلوث المنتشر علي كبر البحر  ضيق خلقي  مع ان الدولة ما قصرت وفرت عمال لتنظيف الشواطى لكنهم مو املحقين  لو بتلاحضون  ثلاث ارباع هالمنظر البشع اشياء صغيره الواحد يستهين فيها لمن يحذفها  مثل مغاطي الماي والعصير  اعواد المصاص والاكياس لبلاستيكيه وهي في غاية الخطوره لانها ما تتحلل  وخطر كبير علي الحيوانات البحريه



طبعا انواع ملوثات البحر كثيره  منها الكيميائيه و الفيزيائيه مالنا شغل فيها لانها من المصانع لكنا نقدر نساهم  بالملوثات العضويه واللي سببها  النفايات اللي يرميها الانسان اللي تسبب اخطار كبيره للشاطى  مثل خلل للثروه السمكيه  والامراض الجلديه لمستخدمين البحر  



شنو نسوي علشان نساهم في حماية شواطئنا ؟  
- ما نترك المهملات علي الشاطى ونرميها بالمكان     
  المخصص لها
- تزويد القوارب بصناديق المهملات
- زيادة حملات التوعية باهمية نظافة الشاطئ