السبت، 30 نوفمبر 2013

جراند سينما الحمرا توفر الاكل الصحي لزوارها


  افتتحت ادارة جراند سينما الحمرا كفتيريا  تقدم اصناف جديده و متنوعه من الوجبات الخفيفه من الساندويش والسلطات وحلويات لذيذه من كوتشناري بيكري الغني عن التعريف cucinare_bakery@






واللي يسوون رجيم او حميه خاصة وماودهم يخربطون بالسينما وفرو لهم سناك صحي من Pick 

ببكورن غراند سينما يحضرونة بدرجة حرارة عاليه يعني صحي وخفيف ومثل ما انتو شايفين بالصوره عندهم المالح والكراميل والمخلوط


تقدرون تستمتعون بالقعدة في الكفتيريا علي ما يبدي فلمكم










انستغرام
gc_kuwait@

الجمعة، 29 نوفمبر 2013

نادي الحمرا ثيرما - للسيدات


كانت لي جولة في  الحمرا ثيرما للسيدات افخم نادي صحي وسبا  بالكويت عندهم قسمين منفصلين عن بعض واحد للرجال وواحد للنساء كل قسم يتكون من طابقين عبارة عن جيم وحمام سباحه للسيدات وقريبا سينما VIP وسبا ومطعم 
يقع النادي الصحي في الحمرا بمنطقة شرق له مدخل خاص ومنفصل تماما عن السوق وله مصاعد خاصه تفتح ببطاقة العضويه حتي اذا بتزورونهم تشوفون النادي لازم يكون عندكم موعد مسبق علشان يستقبلونكم ويصعدونكم للنادي وهالشي يعطي الاعضاء مزيد من الخصوصيه




 تم تصميم صالة الرياضه  باحدث المعدات والاجهزه الرياضيه 
 









اللي عجبني ان عندهم مناطق تدريب داخليه وخارجيه بالهواء الطلق و ممشى على السطح يطل على احلى منظر لمدينة الكويت







حمام السباحه كبير وغير عادي يتميز برشاشات ماء ومعدات خاصة للتدليك المائي  



اذا حابين تعرفون معلومات اكثر نزلو الابلكيشن من الآب ستور 







instagram :@ alhamra_thermae

Tel : 1829000

الأربعاء، 27 نوفمبر 2013

دعوة لذيذه



اوصلتني دعوة شكلها يشوق من Tartine Sandwich Boutique عبارة عن سله بيكنيك جاهزة بس تبي احد ياخذها ويطلع بأحلى كشته ;) 
فيها مفرش وصحن وسلطة  وبطل كيوت فيه الصوص ومطارة شاي لاتيه لذييييذ وسكون مع قرشه مربى وفروت سالاد ونوعين من الساندويش كل نوع ألذ من الثاني  وحده فيها دجاج بشرايح التفاح الاخضر والثانيه ساندويش جبن عجيب غريب لذيييذ 
تارتيني عباره عن مطعم يجهز لكم كل شي تحتاجونه ليمعاتكم وكشتاتكم مع الاهل و الاصدقاء ما عليكم الا تطلبون منهم اللي تبونه وراح يوصلكم ليه عندكم بالوقت والمكان اللي تحددونه



اكرمكم الله وان شاء الله راح انلبي دعوتكم وانشوفكم على الوعد






لخدمة التوصيل
٢٢٤١٨١٧١

تويتر + تنستغرام
Tartinekw@



الأحد، 24 نوفمبر 2013

بيض بالتوست

تحبون البيض بس مليتو من الطرق العادية اللي دايما نسويها .. عيل جربو هالطريقه لذيذة وصحيه 
 تقطعون  شريحة توست بالقطاعة او كوب 


 تدهنون شريحة التوست الثانيه بجبنه او لبنه

  تحطون القطعتين فوق بعض وتكسرون البيضه بحذر داخل فتحة التوست 
 
بالفرن لمدة عشر دقايق


وبالعافيه 

عيشو التجربه في مطعم دارك رووم

اغلبكم سامع عن مطعم دارك رووم اللي في برج جاسم مطعم تاكل بالظلام ومو اي ظلام ..! الظلام الخرمس اللي ماتشوف فيه ايدك علشان تحس بنعمة البصر وبمعاناة المكفوفين  
 زرته وكان الثيم هالوين يعني ظلام وتخرع وتفزز  

 من دخلت وانا اوصيهم لا تخرعونا .. انزين مدام ماتبين تخرع ليش يايه ؟ ماقدرت اصور وايد لاني اول مره ازوره وبأجواء الهالوين مستحيل اقدر اركز :)

 هالويتر المزيونه خذت طلباتنا قبل لا يدخلونا قاعة الاكل ويابت لنا صندوق نحط فيه جناطنا وموبايلاتنا وكل شي يطلع ضوء  ولبسونا سدريه نايلون علشان ما نتلف الدنيا 
 كانت تجربه عجيبه ومخيفه  ظلام خرمس لمن ايبون الاكل اول لقمتين يبيلها معانات اشوي ليمن تدلون طريج الصحن والحلج  ، ولازم يطري علي بالكم وقتها واحد تعرفونه كفيف بس بالاجواء المرعبه ما خلونا نستشعر هالشي  كل دقيقه طالع لنا واحد يصرخ ويفززنا .. الاكل لذيذ انا طلبت بينك باستا بس قطع الدياي كانت كبيره صعب اكلها بشوكه بس  بدون سچين لانها من الممنوعات   وحليت بالبودينغ وااايد لذيذ


 الاجواء المرعبه حازت علي اعجاب الجمهور ومددوها لحين اشعار اخر


 اتصلو عليهم وتأكدو وحجزو قبل لا تروحون وعيشو التجربه المرعبه 
٦٠٩٥٦٢١٠   -  ٢٢٩٦٠٠٦٤


وتابعوهم علي الانستغرام
darkroomkw@

السبت، 23 نوفمبر 2013

سكرين كرنڤال ايڤنت

 Screen Carnival  مشروع شبابي مميز تقدرون تستمتعون معاهم بمشاهدة فلمكم المفضل وتحتفلون بمناسباتكم الخاصه مع اهلكم واصدقائكم بهالجو الحلو  

وين ما كنتو ايونكم ويقدمون   لكم  شاشة عملاقه تختارون الفلم  اللي تبونه 

يوفرون لكم كراسي مريحه وطاولات علي حسب عدد معازيمكم  
  
مطعم متنقل عباره عن سياره تقدم الوجبات الخفيفه والمشروبات البارده المنعشه 

انا طلبت اديمامي بالصوص الحار حده لذييذ

الجو حلو والاجواء روعه الشاشه واضحه والصوت عالي   والقعده مريحه  وايد حبيت الاجواء 

 واذا كانت عندكم مناسبه تقدرون تخلون معازيمكم يعبرون عن احاسيسهم بعبارات يكتبونها بأقلام خاصه علي السياره وتحت الشاشه 








 شكرا علي الدعوه استمتعت معاكم واايد 



ScreenCarnival@

65572772



بلوغر نايت في مطعم اوليڤرسان

هجوم بالتصوير علي موتشي ايسكريم بالمطعم الاسيوي اوليڤرسان كانت لنا امسيه لذيذة خاصه بالمبلوغر لتذوق اطباقهم الجديده والمميزه


مطعم اوليفر سان الاسيوي يملكة نفس اصحاب مطعم ماكي الياباني  هالمره حبو يفتحون مطعم  يقدم اطباق متنوعه من الاكلات الصينيه والاسيويه العصريه


شوربه توم يام البحرية سبايسي ولذيذه


ربيان بالتوست


أضلاع اللحم بالصلصه الحلوه

بط مع خبز التورتيلا بالخضار


نودلز الشومين لذييييذ



منغوليان بيف ترف ولذيذ وانصح فيه وبشده 


طبق شكله غريب لكن كلنا نعرفه دجاج سويت اند سور مع قطع الفواكة الطازجة حلو ولازم تجربونه



طبق الحلو اللذيذ اسمة كرونت هو مزيج من الدونات والكرواسون وفوقهم ايسكريم










اوليفر سان في برج جاسم 

22901050