الاثنين، 14 أكتوبر، 2013

سبا تاليس فندق الجميرا مسيله بيتش


كانت لي زياره للاسترخاء في" تاليس سبا" في فندق الجميرا مسيله بيتش أرقى وافخم منتجع صحي بالكويت 


المركز يوفر لرواده علاجات شخصيه تناسب جميع الاحتياجات للنساء والرجال وعندهم مجموعه واسعه من الخدمات المنعشه المجدده للنشاط  بالاضافه الى انواع المساجات العلاجيه للجسم والوجه بإستخدام منتجات مختاره بعنايه


المكان حده راقي والمعامله VIP الواحد يحس انه ملك
غرفة التبديل كبيره وفيها خزانات خاصه 


كل شي متوفر بالخزانه  الروب  وملحقاته ماعليكم الا تبدلون ملابسكم وتنطلقون الي عالم الرفاهيه والراحه والاستجمام



غرفه المساج دافيه ومريحه استمتعت بأحلى مساج لمدة ساعه ونص  من الاسترخاء







حوض خاص للتدليك والمساج  بالماي ،  حجمه متوسط ومو عميق فيه عده ازرار انتو تشغلونها وتوقفونها بكيفكم




بعد ما تخلصون من الحوض انصحكم تتمددون علي هالكراسي الحراريه وتدفون  بالحراره اللي طالعه من سطح الكرسي وتستمتعون بطعم  الچاي الدافي المنعش




بعدها تقدرون تسترخون بغرفة الالوان وتستمتعون برحلة الحواس اللي تجمع بين اللون ( البصر) مع رائحة الزيوت الأساسيه ( رائحه ) باستخدام السرير المصنوع من الالياف الزجاجيه ( اللمس ) بالطاقه المغناطيسيه اللي صممت بشكل خاص لتوفر افضل وضع لاسفل الظهر والدوره الدمويه 
 غرفة العلاج بالالوان  هي الاتجاه الجديد في المنتجعات الصحيه لدمج الالوان لعلاج الحاله النفسيه والجسديه  بتوازن تدفق الطاقه بالجسم



في غرفة سونا وبخار وغرفة الثلج ماصورتها كانت باااارده وظلام  



غرفة الملح salarium اهم غرفه لازم تجربونها لمن تزورون المنتجع ليش ؟   لانها الاولى من نوعاها بالكويت والشرق الاوسط حصريا للعلاجات التنشيطيه والصحيه  بأستخدام الملح الطبيعي المستخرج  من جبال الهمالايا ، والغرفه مبنيه من الملح البلوري النقي او ما يعرف بملح الكريستال الصافي في هيئتة الطبيعيه التي تكونت على مدار اكثر من ٢٥٠ مليون عام  
حيث يساعد هالنوع من الملح البلوري في اعادة التوازن للاملاح المعدنيه بالجسم ويقوي المناعه 




فعلا استمتعت بتجربتي الاكثر من رائعه  في تاليس سبا بفندق الجميرا مسيله بيتش انصحكم فيه وبشده 


تاليس سبا
فندق الجميرا مسيله بيتش

للحجز والاستفسار : ٢٢٦٩٦٠٠

هناك تعليق واحد:

مها يقول...

مشكووورة وايد على الموضوع والشرح المفصل والصور الروووعة
مريت على السبا قبل يومين وأخذت فكرة عن المساجات والعلاجات عندهم حيل عجبوني ♥

ممتنة لج وايد عالموضوع ﻷنج عطيتيني فكرة واضحة وحلوة عن السبا