السبت، 21 سبتمبر، 2013

امنياتي في ميلادي



قبل اربع ايام وبالتحديد بتاريخ ١٧ - ٩ 
كان عيد ميلادي


كل سنه تكون لي امنيه اتمناها
قبل الساعه ١٢
(سندريلا 😜)


الحمدلله تحققت اغلب امنياتي


كل سنه ما احس بالوناسه بعيد ميلادي يظل بالي مشغول وامشوش ودايماً اسأل نفسي ليش نحتفل علشان عمرنا نقص ؟ شنو اللي يونس !؟


هالسنه قررت اكون متفائله وافرح بأيامي اللي طافت و راح احتفل بعيدميلادي بطريقتي الخاصه


أول شي ببدي


بالشـــــــــــــــــكر


- اشكر ربي على النعم اللي ماتنعد ولاتحصى وعلى الصحه والعافيه



- اشكر اعز الناس امي وابوي ربي يطول بعمرهم اشكرهم علي تربيتهم الصالحه لي ، عسى ربي ما يحرمني من دعواتهم


- اشكر زوجي الغالي علي دعمه لي ومساندته وحبه وحنانه


- اشكر نور عيوني اعيالي وجودهم بحياتي علمني وايد اشياء مستحيل كنت راح اعرفها من غيرهم ، ربي يحفظهم


- اشكر كل صديقاتي وشكر خاص لمنال
اول صديقه بحياتي من عمري ٤ سنوات ، تعلمت معاها معنى الصداقه وبعدها ربي رزقني بصديقات وخوات دنيا صداقتكم تاج ينحط على



- اشكر كل من له بصمه في حياتي


- اشكر متابعيني لدعمهم وثقتهم فيني




أتمنــــــــــــــــــــــى


- اتمني احقق باجي امنياتي إللي مو راضيه تخلص


- اتمنى ربي يحفظ لي كل حبايبي ويخليهم لي وما يحرمني منهم


- أتمنى ينتهي عامي هذا بسعاده ويرزقني ربي الخير بعده ويزيدني من نعيمه وتوفيقه


- اتمنى اكون عند حسن ظن متابعيني وتكون مدونتي مصدر سعاده بنشر مزيد من الافكار للمفاجآت










وأخيــــــــــــــــــــراً


أتمنى كيكه كبيره ولذيذه اكلها ابروحي من غير ما انغث ولا افكر بالرجيم
😜

ليست هناك تعليقات: