الأحد، 22 سبتمبر، 2013

الغدا في مطعم لادوريه غييير

متابعيني يدورن فيني اشكثر احب هالمطعم بس علي كثر روحاتي  له ولا مره جربت الغدا عندهم  ، قررنا انا وصديقاتي نتغدا ونجرب المنيو اليديد   
بنص الاسبوع المطعم هادي عكس الويك اند زحمه ولازم تنطرون 



استفتحنا بالصمون لفرش  مع الزبده 



هالسلطه عجيبه اسمها كونكورد عباره عن جرجير وشرايح من الخيار وفليه الدجاج



تشيز كيك سالاد لذيذه واعجبت الكل



لادوريه سالاد طعمها عادي 


Mini Chicken Burger الساندويس لذييييييذ دياي بطعم الليمون وايد حبيته




sea bass with aspires فليه سمك من نوع سيباس مع الهليوم والطمام حلو  وترف ومو زفر




Lamb Steak هالطبق اعتقد راح يكون ألذ لمن نطلبه ميديام احنا طلبناه ويلدان فصار يااابس ومعاه رول كراب وااايد حبيته طعمه چنه بانكيك :)


عاااد الحلو بمطعم لادوريه مايبيله كلام ، اعيز واقول شي خطير ولذيذ 




عاد لمن ييه وقت الحلو اكلنا ونسيت اساميهم صج عند البطون تعمى لعيون ;)






هالمره تعمدنا ما نطلب ديڤان واصفهان ولا ملفيه قلنا نبي نغير نبي نجرب اصناف يديده كل نوع احلا من الثاني 








لادوريه بالكويت لهم فرعين واحد في 360 مول والثاني في الاڤنيوز بمنطقة برستيج 

ليست هناك تعليقات: