السبت، 1 يونيو، 2013

Ruby Tuesday Food Tasting Event

تمت دعوتي انا ومجموعه من لبلوغر لتذوق أطباق المنيو الجديد في مطعم روبي تيوزداي 
هذا شكل المنيو الجديد اللي راح ينزل قريبا في المطعم 
السيد بيل روبنسون نائب الشركه العربيه الوطنيه لادارة المطاعم بالكويت كان باستقبالنا هو وفريق ادارة مطعم روبي تيوزداي 
 كانو امجهزين لنا طاوله خاصه للبلوغر والسيد بيل روبنسون يتوصطها وبالبدايه قال  لنا اشلون  كانت بداية مطعم   روبي تيوزداي في الولايات المتحده الامريكيه و وبعدها شرح لنا خطة المطعم في اعادة الاستثمار عن طريق تغيير الشيف و بعض الاطباق وحتى شكل المنيو والخدمات 
قدمو لنا في البدايه انواع من العصائر ما اقدراقولكم رايي فيها لاني ما ذقتها ;(


المقبلات لذيذ عباره عن ناتشوز مع صوص الجبن اللذيذ
New Orleans Sea Food عباره عن فليه سمك ومغطى بتتبيلة البهارات وفوقه ربيان  طعم السمك عادي اما الربيان والعيش حبيت طعمهم
Chicken Trio عباره عن عيش بالخلطه الخاصه فيهم وفوقه ثلاث صدور دجاج كل قطعه بنكهه تختلف عن الثانيه اللي بالنص مغطى بالمشروم وصوص الجبن واايد لذيذه اما باجي القطع طعمهم عادي 
Cajun Jumbalay Pasta عباره عن مكرونا اسبغتي وفوقها ربيات وشرائح دجاج بالخضار الصراحه الطبق دسم ومكوناته وطريقة تقديمه يبيلها اعادة ترتيب لان الباستا مدفونه تحت وماتبين والزيت اللي بالدياي والربيان نازل عليها 
Asiago Pepper Corn Sirloin  قطعه سميكه من الستيك ومعها بطاطه مشويه انا موذاك الزود مع لستيك
نوع ثاني من الستيك شريحه ضعيفه  تقدم مع لفرانش فرايز والكوسه المشويه 
هذا الطبق لذيييذ اللحم ترف بطعم الباربيكيو اسمه BBQ Rips   انصحكم فيه 
 خليت مكان بمعدتي المسكينه بعد كل هالاطباق حق الحلو لان مستر بيل كان امشوقنا واهوا يشرح لنا عن الچيزكيك اللي يتميزون فيه يعتبر منافس لأشهر المطاعم المختصه بالچيس كيك 
طلع صاج مستر بيل طعم  الچيزكيك  خطيييير وايد حبيته صج لذيذ


تقدرون تطلبون بوفيه السلطات حق يمعاتكم بالبيت او الشاليه فيه اصناف متنوعه من السلطات

فرع شرق يعتبر موقعه مثالي لانه يطل علي البحر  والابراج فيه حديقه خارجيه بقعدات هاديه ولعشاق الشيشه يقدرون يستمتعون بالقعده لان روبي تيوزداي بهذا الفرع يقدم الشيشه لهم 


  الاصناف الجديده تستحق التجربه واشكر ادارة المطعم وبالأخص الاخت رايانا على الدعوه الكريمه لنا وتمنياتي لكم بالتوفيق 



للطلب وخدمة التوصيل ١٨٤٣٠٠٠
انستغرام : rubytuesdaykuwait@



ليست هناك تعليقات: