الجمعة، 7 يونيو، 2013

المطعم التركي IMIRGAN SÜTIS

واحنا نتمشى في الاڤنيوز وقع الاختيار على المطعم التركي" اميرجان سويتس " في منطقة السوق يعتبر من اشهر المطاعم  القديمه في تركيا


 السميد التركي لذييذ 






 لحد يسألني عن اسامي الاطباق ما اذكر ولا اسم ;) صج  ليقال المثل " عند البطون تعمى لعيون "
هذا الطبق خاص لنا من اختيار الشيف راح ينزل قريباً في المنيو الجديد عباره عن قطع لحم مشوي على الفحم اللي فهمته منه ان الصحن كله يحطونه على الفحم ، طعمه ترف ويذوب بالحلج 
مع اني مو ذاك الزود مع اللحم بس هالطبق غير وخلال دقايق قضينا عليه 

 الحلو وما ادراك ما الحلو  عمركم ذقتو طبق حلو مكوناته دياي ؟ !!!  اي ديااااي  ;)  الطبق بارد ولذيذ  وخنين هو خليط بين المحلبيه على الهريس ماتحسون بطعم الدياي لكن تشوفون خيوط مسحب الدياي انصحكم فيه يعتبر الطبق الاكثر مبيعاً بالمطعم 

نوع ثاني من لسويت مثل المحلبيه البارده فوقها طبقه من صوص الكاكاو طعمه عادي بس ما يمنع تجربونه

 القهوه التركيه بمطعم سوتيس اصليه تركيه بمعنى الكلمه لازم تجربونها 


ركن المخبوزات  للمعجنات التركيه الطازجه 

المطبخ مفتوح يعني وانتو قاعدين علي الطاوله تشوفونهم واهما يطبخون ويعجنون ويحضرون الاكل





ماشاء الله المطعم دايما مزدحم ولازم تنطرون اشوي لان الناس طابور بس بسرعه ايكم الدور


شكرا للسيد مشعل الهاجري صاحب المطعم علي ترحيبه وضيافته الكريمه وتمنياتي لكم بمزيد من التوفيق 
 
مطعم امرجان سويتس غراند افنيور منطقه السوق
انستغرام : sutis_kw@ 

ليست هناك تعليقات: