السبت، 29 يونيو، 2013

Versace Caffe Kuwait

كانت لي زياره لفيرساس كافيه انا ومجموعه من زميلاتي لبلوغر العزيزات لتجربة منيو الصيف 


لمن وصلنا الكافيه كانو محضرين لنا طاوله خاصه  


جامبري كروكنتي 
عباره عن ربيان مقرمش مع سلطه طازجه بالصلصة الحامضه

موزيريلا باستوني   
تشكيله من الخس والبيبي طماط فوقهم اصابع موزاريلا


سلطة يوغورت مانزو  
اوراق خضروات  فوقها شرائح من الفليه المشويه  بصلصة الروب

سلطة بولو فيردي 
دجاج مشوي مع بوكيه من الاوراق الخضرا وصلصة الريحان



بوبليتي 
كرات اللحم مع صلصة الطماط بالاعشاب  واايد حبيت هالساندويش لذيذه

بيك بيرجر
سلايدر بيرغر مع صلصة المشروم  وجبن الموزاريلا

باسترامي
تركي ايطالي مع سلطه

بولو بومودورو
صدر دجاج محشي بجبن الفونتينا بالاعشاب والصنوبر مع صلصة الطماط

ماريـة أي مونتي
فيلية بقر مشوي مع المحار والبيكون مع الصلصة الخاصه

بعد هالاصناف لااااازم نحلي وكل اصناف الحلويات عندهم لذيذه 








منيو الصيف حلو ومنوع واللي عجبني الاصناف اللي فيه اغلبها صحيه مو دسمه وخاصتاً  السلطات  
شكرا فيرسس كافيه علي الدعوه الكريمه







 برج الحمراء 
tel : 22270330
Instagram: @Versuscaffe

الأربعاء، 26 يونيو، 2013

NBK Bloggers Event - Azimut 40



























قبل اسبوع كنت معزومه علي ايڤنت مشوق مع بنك الكويت الوطني  علشان نتعرف على حملتهم الجديده اللي لاصارت ولا استوت والاولي من نوعها ، الله يسلمكم حملتهم طول فترة الصيف لمستخدمين بطاقات الوطني الائتمانيه




الاڤنت في معرض Seas & Deserts في الري



استخدام أي بطاقه من بطاقات بنك الكويت الوطني خلال الصيف يمكن تربح يخت أزيموت 40  الفخم والانيق اللي فيه كل  عناصر التكنولوجيا من راحة ورفاهيه ، مو بس يخت وتتوهق وين تصفطه  راح يقدمون معاه مرسى خاص  بالإضافة إلى جوائز نقدية لغاية ١٨٠ ألف دينار كويتي

وطريقة الفوز بسيطه مع بنك الكويت الوطني  كل ما عليكم انكم تستخدمون أي بطاقه من بطاقات بنك الكويت الوطني طول فترة الصيف علشان تدخلون السحب.
تلقائياً راح تدخلون في السحوبات عل كل ٢٠ دينار تستخدمونها سواء بطاقات الوطني الائتمانية أو بطاقات الدفع المسبق داخل الكويت ،  وراح تتضاعف فرصك للفوز ثلاث مرات باستخدامك بطاقات الوطني الائتمانية أو بطاقة السحب الآلي أو بطاقات الدفع المسبق خارج الكويت أو من خلال التسوق عبر مواقع الانترنت الدولية .
واللي يبي يربح  مع الوطني جوائز نقدية لغاية١٨٠ ألف دينار كويتي يستخدم بطاقات الوطني داخل الكويت أو خارجها ، ويمكن راح تحصل على فرصة سداد كافة مشترياتك باستخدام بطاقات الوطني لغاية ١٠ آلاف دينار 



خلونا ناخذكم بجوله داخل اليخت يمكن يكون من نصيبكم 


























اسره العلاقات العامع في البنك الوطني كانو امجهرين لنا امسية باربيكير ودي جي وشغل عدل ومسابقات خفيفه وجوائز حلوه للفايزين










كلما استخدمتَ بطاقات الوطني راح تزيد من فرص الربح و تكون واحد من ١٨ فائز مع حملة البنك الوطني  الاولى من نوعها خلال هذا الصيف!

 الحملة لغاية ١٥ سبتمبر ٢٠١٣


شكرا علي هالامسيه الممتعه وان شاء الله يكون اليخت من نصيبي لاني بشتغل علي كروتي عدل ، وان واحد فيكم فاز يعزمني بجوله بحريه ;)

تمنياتي للجميع بالتوفيق  






Twitter : @NBKPAGE
instagram : NBKPAGE


الاثنين، 24 يونيو، 2013

لاڤيجكا كافيه


لافيجكا كافيه القعده فيه تشرح القلب داير ماداركم الزرع الطبيعي وورد الجوري ،  لافيجكا معناتها كرسي الحديقه باللغه التشيكيه ومن كثر ما صاحبة الكافيه تحب الورد والقعده بين الزرع بالحديقه  قررت تبني حديقتها الخاصه  محميه من العوامل الطبيعيه وتكون حديقه امورده علي مدار السنه مفتوحه للكل
الكافيه بنص المول اللي في برج جاسم بالديره شكله حديقه معلقه  مجرد ماتدخلون راح يلفت نظركم 



 الجوري الطبيعي بكل مكان  
وايد حبيت الديكور والالوان المختاره مريحه نفسيا وصدقوني ان قعدتو بتنسون نفسكم مثل ما صار معاي  مع الفيروزيات وماجده الرومي الوقت بيمر عليكم من غير ماتحسون 



شدتني بوكيهات الورد الموزعه بديكورات الكاونتر لمن جربت صوبها والا مكتوب عليها عبارات بمجرد قراءتها تعطيكم التفاؤل والسعاده 







اذا زرتو الكافيه لاتنسون تقرون قصتهم المكتوب بهاللوحه علي الطاولات

الكافيه يقدم وجبات خفيفه من المعجنات والسلطات بالاضافه الي الكيك والحلويات والمشروبات البارده والساخنه بتركم مع صور تعور القلب لمجموعه من الطلبات خلال زيارتي لهم لعدة مرات لاني من عشاق الكافيه وهذي هبتي اليديده ;)



 براوني مع الايس كريم عجييبه ولاتنسون تطلبون لاتيه بالهيل المشهوره عندهم 
كيكة الفستق ترفه وخفيفه مع الكبتشينو المضبوط
  كيكة التمر وايد حبيتها حدها خنينه وناطعه
تارت الكاكاو لعشاق الكاكاو
لاحظو المزهريه عباره عن قرشة عطر وايد حبيت اعادة التدوير والاستفاده من الاشياء المستهلكه ولمن سألتهم عادي انييب لكم غراش العطور الفاضيه  اللي عندنا وايد استانسو ورحبو بالفكره 

احيي صاحبة الفكره وأشكرها علي هالمكان الشرح اللي إييب التفاؤل والاحساس بالسعاده   عسى ربي يوفقكم  
 




برج جاسم - ميزانين 

يوميا من ٧ الصبح لغايه ١٠ مساء

Instagram : @lavickakw

٢٢٩٦٠٦٦٦