السبت، 25 مايو، 2013

فندق جميرا مسيلة بيتش الكويت - الجزء الاول

وصلتني دعوة لحضور عشاء خاص للمدونين لزيارة فندق جميرا المسيلة بيتش هالفندق مكان فندق المسيله القديم تتذكرونه ؟ الفندق تابع شركة Jumeirah وأول فندق لهم خارج دولة الامارات بالشرق الاوسط .

وباليوم المحدد وصلت اشوي امبچر قلت اخذ لكم لقطه بالنهار قبل لاتغيب الشمس 
^ اول ماتدخلون من البوابه راح تلاقون هالنافوره بوسط المواقف 
اللوبي شرح وكبير وألوانه هاديه حبيت الإضاءه اللي بالسقف تتغير ألوانها 


 على ما يتيمعون باجي لبلوغر خل اچكچك لكم چم صوره للوبي






^ اول ما تدخلون اللوبي راح تلاقون هالنافوره جبالكم خليكم متذكرين النافوره والماي اللي فيها وين راح يوصل 
^ طلعت بره قلت ألحق قبل لاتغيب الشمس اول ماتطلعون بره هالمنظر العجييب بويهكم 
^ اذا ما كنتو من نزلاء الفندق حدكم اهنيه ممنوع تدخلون اكثر حاطين سكيوريتي مايدخل الا النزلاء طبعا دخلني انا وزميلتي لمن عرف احنا بلوغر 
^ هذا الممر يوديكم لحمامات السباحه والبحر والنادي الصحي
وانتو تمشون بالممر راح تمرون علي هالنوع من الاجنحه 


^ نوقف اشوي ونلتفت ورانا ، هذا شكل الفندق ومكان اللوبي اللي طلعت منه
^ شفتو هالماي اللي يصب من النافوره هذا الله يسلمكم ياي من النافوره اللي شفناها في اللوبي اول ما دخلنا .. وقبل لا يوصل بره ينزل بمطعم SALT للمأكولات البحريه وبعدها يصب بهالمكان الصراحه ابداااع بالتصميم 

^ خلونا نكمل  طريجنا قبل الظلمه ،  هذا واحد من حمامات السباحه الثلاثه هادي وصاير بين الاجنحه والڤلل

^ المبني اللي علي اليسار لسبا وصالة الرياضه

^حوض السباحه الخاص للاطفال يشوق  
وصلنا البحر المكان شرح 
نزلت صوب البحر وياحلات القعده بوقت الغروب حده ريلاكس 

منطقة البحر ملمومه موكبيره  وغير مكشوفه  للطراريد والجت سكي  يعني المكان صج للاسترخاء وبعيد عن الازعاج 


^ خلونا نرجع لان صار الوقت المحدد لتجمع المدونين 
^ هذا حوض السباحه الثالث يطل علي البحر تصميمه وايد حلو
^ بصعد من هالسلم واوريكم شكل حمام السباحه








وعلي حمام السباحه كانو  امحضرين لنا قعده خاصه لعشاء المدونين المنظر عجيب مع ان الجو وقتها كان ارطوبه بس التنظيم والمكان وايد حلو 
طبعاً ليه هالحد ودخلنا  داخل الفندق علشان ياخذونا بجوله داخليه وبالنهايه رجنا للعشاء على حمام السباحه بس انا راح احط لكم صور العشاء وانهي هذا الجزء وبجزء ثاني راح احط لكم صور جولتنا بالفندق :)









العشاء حلو فيه كل ما لذ وطاب ماصورت لكم صور كافيه للبوفيه لان كان العشاء اخر جوله وكنا تعبانين من المشي ولفراره ،  الفندق واايد كبير جولتنا بدت الساعه ٧ وانتهت  ٩ وازيدكم من الشعر بيت كل هالوقت بعد ما مدانا ندخل الفلل ولسبا ;) بس استمتعنا واايد بضيافة اسرة الفندق لنا وترحيبهم شكراً على هالامسيه الجميله .


لي هالحد نوقف و أوعدكم راح انزل لكم جزء ثاني خاص بجولتنا داخل الفندق واذا عجبكم الموضوع لاتحرموني من رايكم واقتراحاتكم ومتابعتكم لي علي الانستغرام Surprise_More@








Instagram : @JumeirahMessilaBeach
Tel : 22269600 - 222697000




هناك تعليق واحد:

classic87 يقول...

ما شاء الله تقرير ممتاز والفندق يوسع الصدر

اخوي لو بغينا نسكن الفندق هل قريب من الاسواق والموالات؟
وشارع الخليج هل قريب؟؟؟ واسواق السالميه؟؟