الأربعاء، 22 مايو، 2013

دورات الطبخ مع الشيف عادله الشرهان - الجزء الاول

اوصلتني دعوه من " تريم لادارة المعارض والدورات  " لحضور حفل افتتاح " ذاغورميه فوود ايڤنت " في فندق المرينا ومن خلال هالدعوه قدمو لي تذكره مجانيه لحضور دورات طهي مع الشيف عادله الشرهان 
 مع الدعوه علبه داخلها مجموعة بهارات مشكله منها الكويتيه والايطاليه والهنديه شكلها يشوق ملفوفه بالاورغانزا


الدوره بفندق المرينا بقاعة ذا سيكس بالمز يومين الاربعاء والخميس ١٥-١٦ مايو ٢٠١٣ 


 دورات الطبخ موزعه علي فترتين   من ١١:٣٠صباحاً لغاية  ١:٣٠ ظهراً ومن ٦:٣٠ الي ٨:٣٠ مساءاً  حضرت الدورات كلهم لان كل وحده احلا من الثانيه الصراحه مايتطوفون 
القاعه كبيره والتنظيم حلو وراقي والكل يشوف الشيف عادله بمكانه
 بلشت الشيف عدوله الطبخات وحده ورا الثانيه ما شاء الله عليها كل وصفاتها عجيبه وطريقتها بالشرح تشوق للطبخ  انا واللي معاي بالدوره بس نبي نرد البيت علشان نسوي الطبخات اللي تعلمناها من سهولتها


وزعون علينا كتيبات فيها الوصفات اللي راح نتعلمها ماعلينا الا نشوف عدوله واهي تطبخ وانتبع معاها 
كل ماخلصنا طبخه تحطهم بصحون صغار ويوزعونهم علينا علشان نذوق اللي تعلمناه شكلهم حلو ويشهي ويكفي للكل تصلح الحركه حق العزايم احسن من الاطباق الكبير
روبيان حامض حلو بالسمسم مع سلطة التفاح

ستيك بزيت السمسم وصلصة الصويا مع النودلز بالخل



ريش مشوي مع صلصة الفيتا

روبيان ديافولو مع الريزوتو بالزعفران

كاساديا الدجاج والجبن والفول الاسود مع الصلصه المكسيكيه

كنالوني بلحم البقر




ترقبو الجزء الِثاني قريبا 

ليست هناك تعليقات: