الخميس، 30 مايو 2013

حراير ديزاين - بيت لوذان

دايما يفاجؤني حراير ديزاين بدعواتهم المميزه ياحلات هالدراعه النتفه اللي دازينها مع دعوتهم لي لحضور معرضهم للدراريع الرمضانيه في بيت لوذان
كانت الفنانه زهره عرفات موجوده بالمعرض ولابسه من الكولكشن اليديد



شكرا على الدعوه وتمنياتي لكم بالتوفيق 

انستغرام : harayerds@


معرض فاشن ستوري - بيت لوذان

 تلقيت دعوه من فاشن ستوري  لحضور معرضهم في بيت لوذان للكولكشن الجديد الخاص بالدراريع الرمضانيه 

الدراريع حلوه وراقيه والخامات كلها من بره لكويت ويتميزون بدراعه للام وبنتها نفس الموديل 





 شكرا علي الدعوه وبالتوفيق يارب 

مكانهم
 الجابريه  قطعه ٣ب ، شارع ١ ، مبنى ١٢٢
هاتف : ٩٩٧٨٠٠٦٠
انستغرام : fashionstorykw@

الأربعاء، 29 مايو 2013

فندق جميرا مسيله بيتش الكويت - الجزء الثاني


بدعوة من ادارة فندق الجميرا الخاصه للمدونين كانت لي جوله بالفندق واللي حاب يشوف الجزء الاول من جولتي يضغط علي هذا الرابط 


 استقبلونا بالفوط البارده في جناح خاص لأستقبال الرؤساء وكبار الضيوف يتكون من غرفتين نوم ماستر وصاله وصالون وغرفة طعام كبيره 
الجناح يطل علي هالمنظر الاكثر من روعه مكانه صج استراتيجي بنص الفندق

  الممرات اللي بين الغرف شرحه 


قسمونا مجموعات لان عددنا كبير و بمجموعتنا "بوراشد" و"عماركر" تشرفت بمعرفتهم وروحهم الطيبه


غرفة غراند ديلوكس ميزتها الغرفه وسيعه والحمام فيه جاكوزي 

 التلفزيون اثنين في واحد ;) الميزه الاولى هي انك تشوف البرامج من خلال التلفزيون كالعاده  واذا طقو الجرس يتحول لعين سحريه وانتو بمكانكم  تقدرون تشوفون منو اللي يطق الباب 

وصلنا حق مكان عجيييب ويا كثر الاماكن العجيبه بفندق الجميرا
قاعة الريف هي عباره عن قاعه مستطيله ديكوراتها مستوحاه من الحياة البحريه ، الرسمات اللي علي الحائط من سبع ملايين قطعة موزاييك صغيره والقاعه تصلح حق اليمعات و استقبالات الرياييل لانها مكشوفه يعني اللي فوق بالممرات بين الغرف يقدرون يطلون عليكم  


 انتقلنا  لقاعات الاجتماعات عندهم ثلاث انواع  يجمعهم لونج كبير خاص  
الستاير كلها من الحرير المطرز





اشكر " كارول " مرشدتنا بالجوله على المعلومات والشرح الوافي  اتجهنا معاها لصالة الافراح والمناسبات

قاعة بدريه للافراح والمناسبات تكفي ٢٠٠٠ شخص اكبر قاعه افراح بالكويت مساحتها ١٩٥٠ متر مربع
تنقسم الصاله ثلاث اقسام حسب عدد معازيمكم
بنص الصاله في قبه روعه زايده المكان فخامه اكثر
 ^ لاحضو المشربيه اللي بأطراف القبه فوق  هذي شبابيك خاصه للعروس  يعني واهيا فوق بجناحها تقدر تطل علي معازيمها ومايطوفها شي واايد حبيت الفكره 


جناح العروس كبييير وتصميمه روعه ومجهز بكل شي يخطر علي بالكم في غرفه لها وغرفه ثانيه للمرافقين ومطبخ وصاله 

  صالون كامل بكل معداته واجهزته داخل جناح العروس ما اعتقد في دلع اكثر من چذيه 






بعد ما انتهينا بجولتنا لبعض غرف واجنحة الفندق اوجهنا للمطاعم 
تي لونج للاستمتاع بأنواع  الشاي و القهوة مع افضل الحلويات 





المطعم مختص بأشهى اطباق شرائح اللحم "ستيكات"



 غاردن كافيه يقدم الأطباق العالمية بوفيه وجبات الفطور والغداء والعشاء ويتميز بإطلالته الرائعة على الحديقة



مطعم ارابيسك للمأكلات العربيه فيه قعدات داخليه وخارجيه ويقدمون شيشه



للحجز بمطاعم فندق ومنتجع جميرا شاطئ المسيلة:
هاتف: ٢٢٢٦٩٦٠٠

بريد إلكتروني:

Instagram : @JumeirahMessilaBeach



 رايكم واقتراحاتكم تهمني تابعوني علي الانستغرام Surprise_More@