الاثنين، 29 أبريل 2013

The City Runway Event

من خلال هالبوست راح انقل لكم تغطيتي لعرض الازياء المميز  " ذا سيتي رن واي " اللي كان علي مدار ٣ ايام في فندق الريجنسي ، للاسف انا ماقدرت احضر الا اليوم الاخير للعرض هو ليس فقط  عرض أزياء وأنما هو فرصة لمصممين الأزياء الكويتيين لأخذ الخطوات الأولى نحو العالمية لوجود لجنة التحكيم متخصصين في عالم الأزياء و التسويق من إيطاليا و أمريكا لإختيار التصاميم المميزة لعرضها في إيطاليا و أمريكا 
 وصلت علي الموعد واستقبلوني هالشباب الحلوين المنظمين اشكر جهودهم وكانو لي اخر العرض واهما يرحبون بالحضور ويوصلونهم ليه كراسيهم 


ريحة البخور بالعرض ما انقطعت ولا دقيقه من بداية العرض ليه النهايه من احد الرعاه " انفاسك دخون"  بس الصراحه كانت قويه واشوي مزعجه لو مختارين لنا عود احسن من المعمول اللي مو الكل يتقبله سامحوني للنقد ومشكورين 
لجنه الحكام 
اليوم الثالث والاخير لحفل ختام العروض كان روعه بدايته مع المصممه شروق سالمين حبت تعرض تراثنا للجنة التحكيم بيلوة العروس اللي شالها شيل الردهام 













 موديل حلو للمصممه كود ٨








 المصممين المشاركين بالعروض ما عدا اثنين ماكانو حاضرين  امام لجنة الحكم ناطرين النتيجه لاعلان اسماء الثلاثه الفايزين
لجنة التحكيم قبل اعلان النتيجه 
 شروق سالمين SASH
 CODE 8
مشاعل المطوع Design Me

الف مبروك لمصممينا الكويتيين الفايزين وانطلاق اول خط ازياء لهم بمعايير وجوده عالميه تجمع مصممينا مع خبراء الموضه والازياء العالميين  تحت اسم Protėgės هو اسم جديد لخط ازياء عالميه راح يكتسح الاسواق الاوربيه والامريكيه واول عرض له راح يكون من اكبر محلات الازياء D&G



عارضه لوكستان 
الديجي رووعه تسلم ايدك احمد العجيل 

هذا الحدث من تنظيم  شركة إيفنتو و مجلة ذا سيتي  

شكرا علي الدعوه
وتمنياتي لكم بالتوفيج يارب

مطعم ومقهي القريه التركيه - دبي

راح انقل لكم تجربتي لمطعم القريه التركيه اللي افتتح مؤخرا في الجميرا بدبي تعشىنا فيه خلال زيارتنا القصيره  لدار الحي
المطعم كبير يتكون من طابقين  فيه قعدات خارجيه وداخليه واول ماتدخلون يستقبلونكم المضيفات التركيات بالملابس التركيه والترحيب المميز ، كنا رايحين من غير حجز وكان وييك اند وزحمه حطينا اسمنا بالويتمغ ليست ونطرنا اشوا الجو  كان وايد حلو المطر ينثنث علينا بعد نص ساعه تقريبا اكتمل عددنا وطاولتنا صارت جاهزه 

كل ركن بالمطعم فيه شي مميز بالطابع التركي  ديكوراته هاديه وشرحه والانغام التركيه غصب تحسسكم بانكم بتركيا


المقبلات حلوه والورق العنب طعمه غير عن اللي متعودين عليه انا عن نفسي عجبني بس اللي معاي ماعجبهم وايد 
هالطبق حده لذيذ اسمه (علي نازك) عباره عن قطع لحم وروب البيديان 
وصل الكباب اللي يوكل فريج ;) طول الكبابه متر تكفي حق ٤ اشخاص لاتسألوني عن الطعم خيااااااال الذ كباب ذقته 
لحم بالعجين بعد طولها متر لذيذه وخفيفه
ما قدرت اصور وايد لان اللي معاي ماعطوني فچه كان شكل الاكل يشوق 
بعد الاكل لازم انحلي بالمحلبيه التركيه اللذيذه والبقلاوه




ومايحلا الحلو الا بالقهوه التركيه المضبوطه اللي علي اصوله


الديكورات حلوه والالوان ناعمه 



وبعد الاكل التركي لازم نشتري سوفونير وحلويات تركيه شطار حاطبن زاويه يبيعون فيها اواني واكييوارات منزليه وحلويات وقهوه وچاي تركي








دبي  شارع جميرا  ،  جميرا ١ ،  بجانب سبينس 

هاتف : ٩٧١٤٣٤٤٩٩٥٥

أوقات الدوام : ١٢ صباحا الى ١١ مساءا – طوال أيام الأسبوع

السبت، 27 أبريل 2013

شكسبير اند كو دبي مرينا مول

خلال سفرتي لدبي حبيت اشرب قهوه في مطعم وكافيه شكسبير أند كو ،  ديكورات المطعم توحي بالستايل الإنجليزي علي ايام شكسبير

 

 ستايل المطعم فيكتوريان والالوان هاديه وتعيشكم ذاك العصر 
له عدة افرع بالامارات واللي انا فيه اليوم فرع دبي مرينا مول  ،  روعه لان القعده  داخليه وخارجيه  وبما ان الجو حلو هالايام ومافي رطوبه فضلنا نقعد بره بالبلكونه المنظر عجييب المكان مزدحم ماقدرت اصور وايد



الفاتوره كيوت



هذا رابط موقعهم تقدرون من خلاله تتعرفون علي افرعهم