الأحد، 31 مارس 2013

سلمون

 دايما اطبخ بالبيت سلمون  واسويه بعدة طرق  الحمدلله اعيالي وابوهم يحبون هالسمچه وانا مستانه لانها غنيه بالاوميغا ٣  واسبوعياً لازم تكون  علي السفره ،  كنت اشتري الفليه الجاهز من مركز سلطان عقب اكتشفت قسم الاسماك بالكارفور اخذ سمچه كامله طازجه ويقصصها وينظفها لي حسب الطلب  ارخص بوااااايد من اللي كنت اخذهم جاهزين 



طبعا لا تاخذون من المعروضين بره علي الثلج خل اييب لكم من داخل

هذا شكل سمچة السلمون

يوزنها لكم وعقب ينظفها 





قولو له يشيل الشوك لان اذا ما قلتو له عادي يخليه وانتو بالبيت تشيلونه  ، عنده ملقط متخصص حق الشوك واهوا اخبر بالاماكن اللي فيها شوك 
 دايما اطلب منهم يقطعون لي الفليه بحجم ٢٠٠غرام لانه هالحجم مناسب للاطباق اللي اطبخها وتقريبا يطلع لي ١٠ قطع فليه من لسمچه الكامله 


 وهذي بعض طبخاتي السابقه للسلمون بس سامحوني مو واضحه لاني ساحبتها من الانستغرام 


 سلمون بالكريما والزيتون اعيز واقول طبق لذييييييذ بس ثقيل 




سلمون بالترياكي هذا نسويه لمن نقرر نخفف يصلح للرجيم لانه مشوي 



السبت، 30 مارس 2013

Organica Fish & Chips Event

اكيد اغلبكم يعرف مطعم اورغانيكا فيش أند شيبس اللي بالجابريه قبل اسبوع اوصلتني منهم دعوه واايد حلوه وهي عباره عن مكينة قهوه ومعاها قهوه اورغانيك وكانت الدعوه لتجربة المنيو اليديد للمطعم 




وباليوم المحدد للدعوه حضرت المطعم  وكان محجوز للبلوغر لتجربه جديدهم

يبيعون وايد اشياء كلها من مواد طبيعيه مثل الزيت الجبن القهوه 

كانت الاجواء ممتعه بالمطعم مع اللايف ميوزيك من عدة عازفين ومغنيين والجو كان روعه بالقعده الخارجيه بالمطعم





احلا شي كانو محضرين لنا سيت منيو فيه كل ما لذ وطاب من الاصناف اليديده وقدموها لنا باحجام صغيره علشان نقدر نتذوق كل شي


وبدت الاصناف تجهز علي الطاوله 

اولها من المقبلات اللذيذه عباره عن اعواد الموزريلا بالنعناع والطماط بزيت الزيتون






 رافيولي بالسبانخ والجبن بصلصة المكسرات 


 بيتزا مكسيكيه وايد حبيتها والثانيه خضار 

لزانيا لذيذه وايد

فيش آند شيبس وشرمب واايد لذيذ ومضبوط


وصلنا لوقت الحلو عباره  ثلاث اصناف بحجم صغير تراميسو لذيذه وترفه واللي بالنص اسمها Profiterols ما اعجبتني لانها يابسه ومزعجه بالاكل ، اما الصنف الثالث اسمه Panna Cotta عجييب وخفيف


شكر خاص للاخت جمانه علي الدعوه والامسيه الحلوه استمتعت بالاجواء وكل شي كان روعه



اورغانيكا سمك وبطاط  بالجابريه خلف مستشفى رويال حياه
Instagram @OrganicaKuwait

Fashion Prestige Event

دعوه حدها كيوت اوصلتني لحضور معرض فاشن برستيج ببرج التجاريه ، وبيوم ٢٧ مارس ٢٠١٣ حضرت المعرض وكان يوم الافتتاح خاص للدعوات و٢٨-٢٩مارس ٢٠١٣ الدعوه عامه للجمهور ، المعرض  حلو وكل المشتركين فيه شغلهم مميز 

المصممه الجميله شروق سالمين كانت مشاركه بالمعرض وعازضه تصاميمها المميزه 

بدور الشخص من أبرز المنظمين للمعرض مع المصممه شروق سالمين 

المصممه ريم الشلاحي  انستغرام code8@ 

المصممه هبه تصمم ملابس خاصه للمتحجبات انسغرام heba_bodhoum@


شيلات مبتكره من Leunica @


Twin Queen  يبيعون اونلاين www.tinqueens.com  انستغرام  TwinQueens@



shather_fashion_house@


Leghila شنط نسائيه صناعه يدويه ايطاليه 
انستغرام Leghila_boutique@


تصاميم عجييبه من الكيك لريم الفيلكاوي  cute2eat_bakery@

المعرض بالطابق الـ ٢٥ والمنظر من فوق عجيييب





عيسى ، يوسف ، يوسف ، هاشم

بسمه ، دانا ، بدور

أحلى قروب لأسرة المعرض ابدعتو وعساكم علي القوه 
لتفاصيل وصور اكثر عن المعرض تحصلونها على الانستغرام   fashionprestigeevent# 

Kuwait Rocks Kenzo Event

قبل يومين  حضرت احتفال اعادة افتتاح بوتيك كنزو في الافنيوز تم تجديده بالكامل وبهالمناسبه امنزلين الكولكشن الجديد لربيع ٢٠١٣ المستوحاه من الغابه و رحلات السفاري واللي يتميز بنقشات جلد الحيوان  والاشجار مع الورد المطبوعه علي الحرير والقطن 



الافنت من تنظيم نوف PLTQ8@  كانت باستقبالنا واللي ما يعرفها هي منسقه لمعارض واحتفالات  وما عمرها نضمت افنت عادي دايما تبهرنا بكل ماهو جديد ومميز 





جميلات كنزو يلدا وفجر








أغلب المدعوين كانو لابسين تايغر كنزو


دي جي حلو ومميز 



يوسف عبدالسيد - يوسف الطاهر - اريج الخرافي



 المصممه نهي الرومي nohanoor@


 احلا ابتسامه من اريج الخرافي fortunecookieQ8@


المتألقه هلا بوالحسن

الجميله دلال DalaliD@

كب كيك مطبوع عليه تايغر كينزو 


كنت محظوظه اني حصلت علي تي شيرت وبلوڤر التايغر لانهم اختفو من الارفف بسرعه  خياليه :) وكل هالزحمه اللي شايفينها بالصوره كانت على الكاشير 


وأخيرا ً بعد نص ساعه من الانتظار وصلت للكاشير .. صج الوقت طوييل لكن مر خفيف  لاني التقيت بمجموعه حلوه من الحضور سواء بلوغر او اصدقاء والمدعوين المميزين اللي تعرفت عليهم 

شكراً نوف ومجموعة اليسرا علي الدعوه الجميله 


لمزيد من الصور دخلو الانستغرام علي

 KuwaitRocksKenzo# 
PLTQ8@
alyasra@