الاثنين، 11 فبراير، 2013

مطعم جباتي وكرك يللي بتسافرون قطر


صار مطعم جباتي وكرك معلم من معالم السياحه لدولة قطر ;)  اللي لازم الواحد يروح له اثناء سفرته للدوحه ، ولمن راح مراسلنا قطر بمهمه وكان مشغول وما عنده وقت ، لزمت عليه يروح ويذوق الكرك اللي الكل يتكلم عنه وصوره تارسه الانستغرام والانترنت  ، فالحبيب راح وصور لي لقطات واايد اخترت لكم بعض منها 


مكان المطعم في كاتارا  راح انقل لكم تجربته ... المطعم يبيع جباتي نوعين عادي وبالسكر ويبيع كرك اللي اهوا جاي حليب ومافيه قعده داخليه ، الواحد يقعد بالكراسي الخارجيه واييه الطلب ليه عنده 

يقول والعهده علي الراوي  ان طعم الجباتي مو ذاك الزود ناشف وطعمه شي محترق !!  والكرك فيه امروره والمحلات العاديه وايد احلا منه  :(  


 ضيق خلقي لان كان ودي اروح بس علشان أجربه من هالدعايات اللي الناس تسويها  للمطعم ... بس مالي شغل فيه ان زرت قطر لازم اجربه بنفسي 


 بس مسكين ما قصر من حنتي ماخلا مكان  ما صوره لي مع اهم معالم كتارا  وهو كوب الكرك  :))) 


  كوب الكرك مع السور الخارجي للمسرح الروماني


كوب الكوك ووراه البحر وممشي كتارا


 كوب الكرك بالمسرح الروماني


 كوب الكرك من اعلي مكان في كتارا


 ياحظ كوب الكرك ماخلا مكان ماصور فيه :) مصورنا امبدع


النجم واقف جدام احد بوابات كتارا  


بأسمي واسم متابعين مدونتي اقدم لك شكر كبير علي هالمجهود والصور الروعه اللي حسستنا فيها بجمال المكان بس للأسف ما حسينا بلذة الطعم اللي الناس اتكلم عنه   كفيت ووفيت :)





اذا عجبكم الموضوع لاتحرموني من تعليقاتكم ومتابعتكم لي علي الانستغرام surpriseandmoreblog@

ليست هناك تعليقات: