قبل اسبوع اوصلتني دعوه حدها كيوت من "بيت هيا" عباره عن كوب وفوقه قوري ومعاه بطاقه دعوه بكيس الشاي ، لحضور افتتاح " شاي بعد الظهر "
" هيا هاوس" مكاني المفضل اللي ارتاح فيه نفسياً مجرد ما ادخل من الباب واحط ريلي بالحوش ، خصصو يوم الاربعاء من كل اسبوع للـ Afternoon Tea راح يكون يوم خاص للنساء ولفتره محدوده بموسم الشتاء ، تقدرون تتيمعون بمكان هادي بعيد عن المولات والقهاوي المزدحمه و تستمتعون بالقعده بالحوش العربي وتتلذذون بالساندويش الطازج ولسكون الانجليزي مع كوب الشاي الدافي
ياحلو لصحون والالوان حسسوني اني في قصه ألس :) المعجنات لذيذه ولسويت ألذ كلها هوم ميد
بعد ما استمتعنا بوجبتنا اللذيذه الخفيفه اكييد اخذنا جوله بغرف البيت واللي عددهم ٧ غرف كل غرفه تختلف عن الثانيه بالاثاث والاكسسوارات المنزليه و تقدرون تشترون اي شي يعجبكم وانتو تتجولون ، اللي يحب يعرف عن " بيت هيا " اكثر يدخل علي الروابط لأني منزله قصة البيت وراح تحصلون تفاصيل وصور أكثر لكل اركان البيت
الافتر نون تي او شاي بعد الظهر راح يكون كل يوم اربعاء من الساعه ٥:٣٠ الي ٩:٣٠ مساءاً
للحجز والاستفسار على رقم
٢٤٨٢٥٩٥٠
العنوان
كيفان قطعه ٥ شارع ٥٤ منزل ٣
موقعهم على الانترنت
http://www.hayahouse.com
وعلي الانتستغرام
_hayahouse@
اذا عجبكم الموضوع لاتحرموني من تعليقاتكم ومتابعتكم لي علي الانستغرام surpriseandmoreblog@
هناك 17 تعليقًا:
حبيت اعرف بجم الدخول الى بيت هيا ؟؟؟...والاكل والمشروبات بفلوس ؟؟
وين احصل هالمكان بليز
بليز وين هالمكان
وين بيت هيا بالكويت ؟ ابي العنوان لو سمحتوا؟
nice one. where is the location
مشروع جريئ..اتمنى له النجاح..امل ان يكون مدروس من كافه الوجوه حتى يحقق اهدافه.
كنت اتمنى اﻻ بلغى تعليقي..اكرر اتمنى لكم التوفيق والنجاح ان شاءالله.
كنت اتمنى اﻻ بلغى تعليقي..اكرر اتمنى لكم التوفيق والنجاح ان شاءالله.
الله يعافيه الي سوي هالمكان فعلا احنا بحاجه ل هالمكان هدوء وراحه انا شايفه منه في امريكا يسمونه تي بارتي بس للسيدات وشكراللقائمين علي هذا المشروع
روعه ماشاءالله يعطيج العافيه بصراحه فكره حلوه
ندى عبد الرحمن التميمي
اتمنى فـِ♡ـيْ زيارتي للكويت ازور هالبيت واااو םـَـآشاء آللہَ يجنن
المكان رائع و الديكورات ولا اجمل كلك ذوق ورقه وروقااااااااان
اتمنى لك التوفيق والنجاح والاستمرار
خليتيني احس ان الحياة حلوه
بالتوفيق حبيبتي الصراحه شي جميل جدا
الله يعطيكم العافيه خوووووووش مكان حدااا كيوووت
رائع وجميل استمتعت بالصور
كيف الواقع !!؟
ذوق ورقي
يعطيكم العافية
هذا اللي يدور رزقه بالحلال ، الله يوفقكم ان شالله ، بس انتبهوا من الشلل والتجمعات الفاسدة اللي تخرب عليكم رزقكم لاتخلوا فيه اماكن مغلقه ..
خير حبايبي الرقم الموجود رقم بيت اهلي بالرياض اتمنى عدم الازعاج
إرسال تعليق