الجمعة، 22 فبراير، 2013

معرض فرحة وطن - مرينا كريسنت



بمناسبة الاعياد الوطنيه انطلق امس ٢١فبراير٢٠١٣ معرض [ فرحة وطن ] للمشاريع الشبابيه بالمرينا كريسنت يضم مجموعه من المشاريع الصغيره والمتوسطه والحرف اليدويه ، المكان  روعه والاجواء وطنيه بأصوات الاغاني اللي تتغنى بحب لكويت وبالاعلام والزينه  بكل مكان وشبابنا ربي يوفقهم مشاريعهم متنوعه والواحد يفتخر فيهم  وبوقفتهم لعرض منتوجاتهم .


( سديم ) عندهم اسكارفات علي شعار الدوله وعلم الكويت شغلهم راقي ومميز وعندهم بليزرات عليها الشعار ، للاستفسار تابعوهم علي الانستغرام sadeem_readymade@


(يمي كريب) هالبوث صج يمي يسوون لكم لكريب وتختار الاضافات المتنوعه واحلا شي دمهم العسل وتعاملهم الحلو ربي يوفقكم  ونشوف مشروعكم لصغير يكبر  ويتحول لكافيه كبير ومشهور 



كوت ديزاين عندهم جناط وكفرات للموبايل وايد حلوين من تصميمهم الخاص اذا حابين تتعرفون علي تصاميمهم تابعوهم علي الانستغرام alkootdesign@


دشتي ديزاين يرسم لكم اي شعار او رسمه تفضلونها علي التيشيرتات والقمصان وحتي التنانير تابعوه علي الانستغرام وشوفو باجي اعمالهم



صالون ذا ستوري  يقدمون خدماتهم بالبديكير والمنيكير في معرض فرحة وطن the_story_salon@




إبداعات (فرش كوتور)  بالمعرض شغلهم خيالي عندهم تشكيله واسعه من تيجان واطواق الورد وعندهم خدمة نحت اي شكل تبونه على الرقي محلهم الاصلي بشويخ الصناعيه خلف سوق لندن تابعو اعمالهم علي الانستغرام fresh_couture@



هالكيكه العجيبه علي شكل كلوب ساندويش من محل ذي كيك شوب تابعوهم علي الانستغرام وشوفو تصاميمهم الحلوه thecakeshop_kuwait@  



 لافيش كولكشن البوث اللي مشاركين فيه بمرينا كرسنت وايد حلو فيه تصاميمهم للشوكلاته والزهور الطبيعيه لتفاصيل اكثر تابعوهم علي الانستغرام lavishcollection@


Pink Tent يأجرون هالخيمه الرومانسيه  بكل تفاصيلها مع الاكسسوارات  الموجوده بالصوره الصراحه شي راقي وايد حلو وإن شاء الله أقرب مناسبه لي أكيد راح أأجرها للاستفسار ٦٠٠٠٠٩٠٨ وعلى الانستغرام pink_tent_kw@


 (سويت سيسيز)  مشاركين في احتفالات الكويت يقدمون الفريزون يوغرت والكريب وعندهم المشروبات الساخنه مثل الاسبريسو والحليب بنكهتهم الخاصه وحاطين جدام البوث طاولات وكراسي علشان تستمتعون بالسيرفس


 (سالادتي) مطعمهم الاصلي في سوق المباركيه مجمع الصقران ومشاركين بالمعرض  يقدمون كل ما لذ وطاب وتفاصيل اكثر تحصلونها على الانستغرام saladt@

 ويدينغ بلانير حبو يعبرون عن فرحتهم بالعيد الوطني ومشاركين بهالمجسم الحلو وطول ايام المعرض يسوون مسابقات ويقدمون هدايا تابعوهم علي الانستغرام  weddingplanq8@ 



سماش بيرغر لهم بوث بالمعرض جربنا (كويت بيرغر) عجيييبه للي يحب السبايسي فيها فلفل فرش حاااار   والغريب حاطين فيها خيار ولبنه ماتوقعت طعمها لذيذ لي هالدرجه و حاطين ركن تصورون مع اللوغو smashburgerq8@


 تقدرون تاخذون لكم جوله بحريه لمده ساعه علي الخليج  بهالقارب النفر بـ ٨ دنانير و شباك الحجز جدام ستاربكس بالمرينا كرسنت 





المعرض راح يستمر لغاية ٢٤ فبراير ٢٠١٣
من الساعه ١٠ صباحاً  الي ١٠ مساءً 
انستغرام proexpo@

هناك تعليق واحد:

بلوجاتي|Bloggati يقول...

تقرير ممتاز حسيت اني رحت هناك

شكرا