الأربعاء، 16 يناير، 2013

Ladies Gathering in "Think Cafe" hosting wedding planner Q8

قبل يومين  حضرت تجمع نسائي مع مجموعه من البلوغر في Think Cafe بدعوه من الاخت هيفاء الفزيع اللي رحب فينا اثناء وصولنا وكانت مستضيفه wedding planner Q8 وتبادلنا اطراف الحديث بمواضيع تهم المرأه وبالاخص العروس والفتاة المقبله علي الزواج 


وبما ان الاخت هيفاء مختصه بالفتنس  والموديلينغ اشرحت لنا شي وايد مهم لكل بنت سواء كانت عروس او بتحضر حفله وبتلبس كعب وتحب تبرز جمال البدله اللي لابستها بالمشيه الصحيحه من غير اي احراج ولا ارتباك ،  في تمارين تسويها العروس قبل الحفله علشان ماتأذي ظهرها وتعطي النفنوف جماله والتمرين جدا بسيط وهوا انكم تآخذون عصايه طويله او مسطره خشب الطويله وتثبتونها على ظهركم وتمشون على شكل مربع ويكون راسنا سيدا وما اطالع يمين ولا يسار وماتضحكين ومافي اي تعبير على ويهج  لازم اتكونين مركزه وماسكه العصايه بإيد وحده والثانيه يمي علشان تتعودين ،  أمشي بالكعب سيدا وشاده بطني وظهري لان من اكبر الاخطاء لمن نلبس الكعب انخلي البطن عادي راح يأثر على ظهرنا  وبالمستقبل راح يسبب لنا دسك وامراض وتصير خطوتنا ثقيله .


wedding planner q8 تنظم حفلات وأعراس  وتهتم بكل شي من الألف الى الياء وصاحبة مدونه خليجيه تهتم بالمرأه عامه والعروس خاصه  وايضاً تنظم حفلات ذكرى الزواج الخاصه تقعد مع الزوجه وترتب لها كل شي بأدق التفاصيل سواء كانت بتحتفل مع زوجها او مع الاصدقاء وتنظم جميع انواع  الإفنتات ، وبالمستقبل القريب راح تسوي دورات حق العرايس مثلا اللي عندها ميزانيه وماتدري من وين تبدي واشلون تصرف راح تساعدها هالدورات وايد ، بالفتره الأخيره أطرحت كتاب "رحلة العروس وعرسها" حبت تسهل على العروس بترتيب افكارها وتجهيزاتها للحفله  ، كتاب يهم كل عروس وانصح فيه وبشده لان المعلومات اللي فيه قيمه . 


للي حاب يعرف معلومات عن Think Cafe يدخل هالرابط وراح يشوف البوست كنت امنزلته عن الكافيه  اللي يتميز بالهدوء والجو المناسب للدراسه والقراءه والضيافه المميزه .





ليست هناك تعليقات: