الأربعاء، 31 أكتوبر، 2012

فوود سيركل Food Circle



من زمان كان ودي اجرب " فوود سيركل "  اللي بمشرف مع انه فاتح من سنه تقريباً لكن ما اسمحت لي الفرصه اني اجرب مطاعمهم إللي الكل يمدحها ، المكان وايد شرح وعائلي والمطاعم الموجوده متنوعه وتخلي الواحد يحتار ، منها الايطالي والصيني والامريكي والهندي و Yoforia للفريزون يوغرت وبالنص كافيه للعصاير الطازجه .





"ذا شوكليت كافيه" قريباً الافتتاح بس ماراح اتكلم عنه اهنيه لاني راح انزل له بوست خاص فيه .
 وبعد الحيره وقع الاختيار علي مطعم " شورمجي " الواحد يصمم شورمته علي كيفه ، الخطوه الاولى بعد اختيار نوع الخبزه لبناني او صاج  نختار اللحم المفضل  وعندهم ثلاث انواع للشورما دجاج ولحم وصوصج ،  ثاني شي اختار الخضار ، وثالث خطوه اختار الصوص وعندهم انواع مختلفه من الصوص وهي طحينه - ثوم - طحينه بدبس الرمان - جبن رومي حار - خردل بالعسل - صوص كوكتيل .


 شورما الصوصج اخترتها بخبز الصاج وضفت عليها صوص طحينه بدبس الرمان طعمها مميز وعجييييب  .
شورما الدجاج ضفت عليها بطاط ومخلل خيار واشوي بقدونس وصوص الثوم وايد لذيذه واللي عجبني بالشورما انها خفيفه ومافيها زيت نفس باجي المطاعم .

فوود سيركل - مشرف - نادي اليرموك الرياضي 
هاتف : ٢٢٢٦١٠٥٠




ليست هناك تعليقات: