الجمعة، 30 مارس، 2012

سوبرماركت لمى للمنتوجات اللبنانيه


وانا امشي بالسياره بالتحديد بمنطقة السالميه شدني هالسوبرماركت أسمه لمي   فرجعت ودخلت لأستكشف ...السوبر ماركت   يبيع كل شي من انتاج لبنان ماركة " لمى" من فواكه وخضار  طازجه ومجففه وألبان وأجبان وعسل  وحلويات ومكسرات  ووايد اشياء انا علي بالي هاللاسم بس فواكه وخضار لاني دايما اخذها  من الجمعية اتركم مع الصور







حديقة الحيوان ترحب بنا



واخيرا انكشف الستار عن النصب التذكاري الموجود أمام حديقة الحيوان ، قبل كم يوم مريت بالشارع المقابل للحديقة ولفت نظري ان هالمجسم  شالو الغطا عنه وأكتبو بلون غامج " حديقة الحيوان ترحب بكم "    لو ادري بوست زيارتي لحديقة الحيوانات الجزء الثاني بيحركهم ويخليهم يورونا المستخبي جان من زمان نزلته  للي ما شافه يدخل يشوف

مشكورين يا أهل الاختصاص ... وعقبال باجي المآسي داخل الحديقه تلقى من يعدلها 

السبت، 24 مارس، 2012

تغطيتي لرالي الكويت المحلي الجولة الرابعه هالمرة غير

هالمره راح اعرض عليكم صور للرالي غير عن كل مره ....  صورت لكم منطقة السيرفس راح اوريكم حجم الفرق والتحضيرات اللي تصير وقت الرالي من الجنود المجهولين اللي اهما طاقم فريق الصيانه لكل سياره ومتسابق ...  سرعتهم بتصليح اعطال السياره عجيبة يفللون السيارة ويردونها بأقل من ربع ساعه وتكون جاهزه للمرحله اللي بعدها .... ماشاء الله عليهم يشتغلون جنهم خلية نحل شي جميل ومرتب .










بين هالفرق وبنص منطقة السيرفس لمحت سياره برنامج كشته ...!!



ايه والله الشيف عادلة الشرهان معانا تطبخ للمتسابقين والجمهور  وبنفس الوقت تصور احد حلقات برنامجها المميز كشته لشهر رمضان  





ابطال الرالي يتذوقون المربين من  أيد الشيف  .... وكان في طبق ثاني عباره عن ساندويشات صحيه ووزعتها علي كل الموجودين << تسلم ايدج عدولة >>





البطل القطري اللي فاز بالمركز الاول عبدالعزيز الكواري




والمتسابق القطري الحائز علي المركز الثاني مسفر المري


والمركز الثالث البطل الكويتي مشعل النجادي