الخميس، 16 فبراير، 2012

مخيم خاص لأصحاب السياكل

هذا البوست اشوي قديم بس  نزلته للمهتمين بالسياكل يقدرون ينضمون لنادي الربع ميل ويمارسون هوايتهم  بمكان آمن وخاص لهم احسن من الاماكن العامه وراح يلتقون بهالمخيم  بالشباب  بنفس هوايتهم  لتبادل الخبرات والمنافسه والتحدي 

 

يوم الجمعه ١٠ فبراير كنا رايحين البر لزياره الاهل بالمخيم وشفنا هاللافته بمخيم مسور وفيه سياكل والناس تصفط سيايرها وتنزل .... صفطنا ونزلنا الدخول مجانا وفيه مدرجات للجمهور تدرون احنا نحب الاثاره 

 



 


شكل السياكل عجيب اشلون يطيرون بالهوا شي يخرع اول مره اشوف جذيه  صج اثاره ، واحنا نطالعهم بس حابسين نفسنا من الخوف وماندري منو نطالع ..... المكان كبير وامرتب واللي عجبني تواجد سيارة الاسعاف شي يريح نفسيا .... والمشاركين سياكلهم ما اعتقد عاديه سريعه جدا.














بذمتكم شبابنا اشيبون غير اشوية اهتمام وتوفير مكان مخصص لهم يقدرون يمارسون هوايتهم بحريه من غير ما احد يضايقهم ولا يضايقون احد .... اناشد جميع الشباب اللي يحب هالهوايه ينضم لهم احسن من لفراره بين المخيمات والشاليهات والشوارع العامه .... المكان خلف رحال طريق الخيران .

هناك تعليقان (2):

غير معرف يقول...

شكرا لك
الي وده يروح الحلبه انا بصراحه اشجعه وبقوه حيث ان الحلبه معاييرها عالميه والشباب الي فيها ما راح يقصرون بحق واحد يبي يتعلم :-)

محمد الحطاب يقول...

شكرًا على تغطيتك الاكثر من رائعة و المكان لكل هوات السياكل و سيتم توفير مكان مخصص للبانشي و ان شاء الله الجمعة القادم عندنا سباق نتشرف بحضوركم :)