الثلاثاء، 7 فبراير، 2012

زياره لحديقة الحيوانات نبارك للزرافه بمناسبة المولود الجديد

وانا اتصفح الجريده قريت بصفحة المنوعات بان زرافة العمرية رزقت بمولود قلت شخباري حديقة الحيوانات يبي لنا زياره لها نودي لعيال يستمتعون ويشوفون الحيوانات وبالمره نبارك حق مدام زرافه بمناسبة المولود الجديد 

 






لعيال استانسو لمن اسمعو بنروح حديقة الحيوانات وعلاوي حده متحمس يبي يشوف الاسد 


اول ماندخل الحديقه نلاقي بيت الزواحف اسمع وراي ريال  يقول ليمن الحين الناس تدخل بيت الزواحف اهوا فيه شي!!  فاضي ..... ماتشجعت ادخل واضيع الوقت لاني رايحه متأخر واخاف يصير المغرب وتسكر الحديقه ولعيال ماشافو الحيوانات . 













شفنا مجموعة من الحيوانات وما حصلنا الاسد يمكن مرينه يمه وما انتبهنا عليه كان داخل ماشفناه .... واخيراً لقينا  السيده زرافه .



ياحلوها ترحب فينا جنها تدري ان احنا يايين الحديقه علي شانها 


نص القفص امغطينه بالقماش الاخضر مثل ما انتو شايفين سألت رجل الامن اللي واقف قلت له وين المولود الجديد للزرافه قال لي داخل بالزاويه فقلت له ليش امغطينه قال الدكتور طالب هالشي علشان ما يعطون الزوار الزرافه اكل (ياقلبي  والله مانعين عنها الزياره وحاطين لها رجل  أمن خاص لها) قلت له بصور من تحت القماش لازم اشوفها (لقافه) .



ياحلوها تلعب وتركض بين امها وابوها اعتقد عمرها ٤ ايام سبحان الله .


هذا الجزء الاول من زيارتي لحديقة الحيوانات العمريه وفيه جزء ثاني بس اشياء تكدر وتضيق الخلق  انتظروني 

                                                                                                    يتبع / ٢



ليست هناك تعليقات: