الثلاثاء، 17 يناير، 2012

Pappa Roti in Kuwait





لمن سمعت ان باباروتي بيفتح بالكويت وايد استانست واليوم الاثنين كان الافتتاح بالافنيوز قلت مايبيله لازم انروح نستمتع بالطعم بعد تجربه دبي (اللي ما شافها يدخل اهنيه) توقعت زحمه وماراح احصل مكان مثل دبي لازم انطر اشوي على ما تفضى طاوله لكني شفت العكس المكان هادي والطاولات شبه فاضيه ....






بدا التصوير علشان ندز حق  ربعنا  عشاق طعم البون  اللي في بباباروتي دبي ونبشرهم بأفتتاح باباروتي بالكويت .... وبعدها تفرغنا للاكل لكن للاسف انصدمنا بالطعم  وايد يابس ومحمص زياده عن اللزوم ومن تحت متروس زيت ولا فيه طعم :( ضاق خلقنا  الصراحه جنه مطعم هندي .... والاسعار مبالغ فيها ليش ٤ حبات بون وواحد قهوه تركيه وواحد جاي حليب و٢ هوت جوكليت  وواحد ماي طلع ٩.٥٠٠ د.ك ما افكر اعيد التجربه مره ثانيه وعادي عندي اتعنى  لدبي علشان استمتع بالطعم المميز اهناك .


السبت، 14 يناير، 2012

المذاكره للاختبارات بطعم القهوه مع Think Cafe


تدرون موسم امتحانات والكل يبي الهدوء والجو المناسب للدراسه  .... ومن باب التغيير وكسر جو  المذاكره المزعج  وديت بنتي توته تدرس  في " think cafe "  جو هادي ومريح  يساعد على الحفظ والتركيز  


الكافيه كان مزدحم بالطلبه من الشباب والبنات وكل واحد مايبي يضيع الدقيقه الوحده من غير مايستفيد من هالجو الممتع الممزوج بريحة القهوة .... طبعا في نظريه لازم انطبقها من واحنا اصغار اللي اهيا ( دراسه = جوع واكل ) طلبنا وجبه خفيفه لتطبيق النظريه ;)







قعدنا ٥ ساعات ما حسينا بالوقت واخر شي ختمناها بقهوه وبودينغ علشان نزيد من تركيز توته ويحفز مآزرتي لها <<< (داخلين حرب مو دراسه ) الله يوفقها ويوفق كل طلبتنا .




عموما المكان وايد حلو ويساعد للدراسه  هدوء مافي ازعاج وكل وحد بحاله ماله شغل بالثاني ... وألتقيت بناس حبوبين رحبو بفكرة التصوير للبلوغ وماقدرت اصور بفلاش ماحبيت اكون مزعجه .... واللي حاب يشوف صور اكثر للمكان قبل لايزورهم  يدخل على موقعهم على الفيس بوك 




الجمعة، 13 يناير، 2012

شي يحافظ على الكعب العالي





 

 




وانا اتصفح الانترنت طحت على شي عجيب يحافظ على الكعب يعني مو كل يوم مخترب ورايحه ابدل القطعه لصغيره اللي دايما تخترب .... اركب هالقطعه اسفل الكعب اذا بمشي بالشارع او بمكان مو مستوي .....  يبيله اطلب منهم عندهم الوان واحجام the solemates

الخميس، 12 يناير، 2012

الجوله الثالثه لرالي الكويت المحلي Round 3 of the Kuwait Rally

 
لاصحاب السرعه والتحدي والمغامرات لاتنسون الجولة الثالثه من بطولة الراليات اللي راح  تكون في  المنطقة الجنوبية من البلاد وتحديدا بمنطقة بنيدر  في تمام الساعة الثامنة من صباح يوم السبت 14 يناير ويستمر حتى الساعة الواحدة ظهرا 

وقرأت بوكالة كونا تصريح من منظم بطوله الكويت للراليات مشاري السبتي  راح يزور هذا الرالي وفد من الاتحاد الدولي للسيارات زيارة خاصة لمتابعة سير التنظيم الخاص بهذه البطولة على اعتبار ان دولة الكويت سوف تستضيف الجولة الثانية من بطولة الشرق الاوسط للراليات وذلك في شهر مارس 2012.

وقال السبتي ان المنظمين سيقومون باطلاع وفد الاتحاد الدولي على آلية التنظيم "ونحن كناد واثقون تماما وبالتعاون مع نادي السيارات ال(كي.تي) من تسجيل انجاز جديد باسم الكويت من خلال هذا التنظيم أو غيره وسنعمل على رفع اسم الكويت في كافة المحافل والأنشطة "

ربي يوفق شباب الكويت اللي كل همهم تحقيق انجازات لرفع اسم الكويت عالي ... 

أتمني تسمح لي الظروف واحضر الجوله الثالثه لاني استمتعت جدا بالرالي الجوله الاولى ( اهنيه تقدرون تشوفون مشاركتي للرالي )  ... للاسف ما قدرت احضر الرالي الجوله الثانيه لكني كنت اعرف النتايج اول بأول عن طريق رابط التتبع بالاقمار الصناعيه لبرنامج قوقل ايرث المرتبط في الرالي اللي كانو امنزلين عنه بوست في مدونة كويت رالي  رابط اكثر من راىع  تقدرون تتابعون السيارات واتعرفون اخر النتايج ويبين لك عن موقع السياره داخل وخارج المرحله وهل تعطلت ام مازالت تشارك وايد عجبني وسهل وما يبي له شرح بس اهم شي تعرف رقم انطلاق السياره لكل متسابق  تحب تتابعه وهالشي سهل تقدرون تعرفون رقم انطلاق السياره عن طريق جدول المشاركين اللي ينزلونه في "الفيس بوك" او "مدونة كويت رالي"  ... للعلم  رقم انطلاق السياره و رابط التتبع يتغير من جوله ليه جوله ثانيه ورابط التتبع تقدرون تاخذونه من "مدونة كويت رالي" ينزلونه كل مره قبل الرالي بيوم تقريبا .



 واللي طافته متابعه الجولتين السابقتين وحاب يتابعهم معانا هالجدول يبين له الترتيب لكل جوله ومجموع النقاط والفرق بين كل متسابق 



                                   وتمنياتي للجميع بالتوفيق

الخميس، 5 يناير، 2012

اعلان منع التدخين بالافنيوز



لفت نظري بالافنيوز الطريقه المهذبه  والجميله لمنع التدخين بالمول .... ناشرين اعلان راقي وجميل للمدخنين يشكرونهم بإلتزامهم بعدم التدخين ....  ياريتكم تلتزمون يا المدخنين على شانكم وعلى شانا .... امس كنت قاعده بالقهوه هفت علي ريحه سيجار بعد مو سيجاره  ويييع الله لايوريكم لاعت جبدي ولا اشتهيت اكمل قهوتي وكيكتي ..... 

الأربعاء، 4 يناير، 2012

الرسم بالمسامير للفنان ليفين ماركوس




 

يولد مع بعض الناس مواهب غير عادية لتصميم أعمال فنية مدهشة كذلك الحال بالنسبة لفنان المملكة المتحدة ماركوس ليفين، الذي يخلق صورا رمزية وتجريدية بأدوات مشتركة مثل مطرقة ومسامير ذات اللون  الاسود و الفضي.



 

 

 





الاثنين، 2 يناير، 2012

فيروز اديش كان في ناس


اليوم هالاغنيه ترن في راسي  مادري اشطاري علي  سمعوها معاي



اديش كان في ناس عل المفرق تنطر ناس
وتشتي الدني ، ويحملوا شمسية
وانا بايام الصحو ما حدا نطرني
اديش كان في ناس عل المفرق تنطر ناس
وتشتي الدني ، ويحملوا شمسية
وانا بايام الصحو ما حدا نطرني


صارلي شي 100 سنه مجروحه بهالدكان
ضجرت مني الحيطان , ومن صبحيه بقوم
وانا عيني عل الحلى , والحلى عل الطرقات
بغنيلو غنيات وهو بحالو مشغووول
نطرت مواعيد الارض , وما حدا نطرني



صارلي شي 100 سنه عم ألف عناوين مش معروفه لمين
ووديلهون اخبار , بكره لابد السما لتشتيلي عل الباب
شمسيات واحباب , بياخدوني بشي نهار
والي تزكر كل الناس بالاخر زكرني



اديش كان في ناس عل المفرق تنطر ناس
وتشتي الدني ، ويحملوا شمسية
وانا بايام الصحو ما حدا نطرني

الأحد، 1 يناير، 2012

Vera Wang to Launch Line of Tuxedos: “Black by Vera Wang”


 

قدمت مصممة الأزياء العالمية فيرا وانج مجموعة فساتين الأعراس لموسم ربيع وصيف 2012، في تشكيلة يمكن وصفها بالـجريئة إذ اختارت لها لوني الجسم والأسود بعيدا عن اللون الأبيض المتعارف عليه في ليالي الفرح السعيدة .... وتعتبر فيرا وانج الملكة غير الرسمية لفساتين الزفاف نظرا لشهرتها العالمية، وقدمت تشكيلتها الجديدة ضمن فعاليات أسبوع الموضة في نيويورك .... كان عنصر المفاجأة هو اقتصار الألوان على الأسود ولون البيج، وأحيانا مزجهما معا، لتعطي طابع الغموض والإثارة للعروس في ليلتها الكبرى .... وشكلت المجموعة علامة فارقة في عالم الأعراس البيضاوي، وقد تكون بذلك محاولة لتغيير العادات والتقاليد المرتبطة بأسعد ليلة في حياة أية فتاة، وفيما يلي مجموعة التصاميم.. فهل تختارين فستانا أسود لليلة زفافك؟