الثلاثاء، 13 ديسمبر، 2011

Red Lobster in Dubai


من سمعت ان مطعم ريدلوبستر فتح في دبي وانا ودي اروح دبي علشان اجربه  لاني من عشاق هالمطعم  جربته بأمريكا بواشطن ونيويورك  ولوس انجاوس عنده ألذ المأكولات البحريه ويتميز باللوبستر الحجم الكبير ... قبل اسبوع زرت دبي وقلت ماراح اطوف الفرصه ... مع ان في ناس امجربين اللي بدبي وما يمدحونه يقولون اكله مو مثل امريكا .


موقعه في دبي مول بالطابق الارضي المطعم كبير وله بابين واحد داخل المول والثاني يطل على برج خليه والنافوره


بالبدايه بعد ما نطلب ايبون ضيافه عباره عن بيسكت كيك طعمه ما ينوصف عجييب ومقارنه بامريكا نفسه بالضبط


الطبق الاول باستا وعليه ربيان بطعم الثوم الطبق لذيذ


الطبق الثاني ربيان بصوص جوز الهند  اول مره اجربه الصوره بالمنيو بالضبط الطبق  اللي يابوه شكل الربيان مقرمش بس للاسف طعم جوز الهند واضح موحلو وفيه طعم سويت


الطبق الثالث اسياخ محار ملفوف بالبيكون بطعم الشواء انا ما عمري ماكله محار لمن ضقته كان لذيذ بس ما افكر اعيده والمشروم محشي باللابستر  طعمه عادي  وماصخ ... انطباعي عن الاكل جدا عادي يمكن  اختيارنا غلط لان هالمره حبينا نجرب اشياء جديده واطلعت عاديه المفروض نطلب نفس الاطباق اللي كنا نطلبها بامريكا وتقارن او قبل لانطلب نسأل عن الاطباق المميزه


هذا حوض اللوبستر يسونه للي يبي فرش  يعرضه لنا السيد مساعد مؤمن مساعد مدير الخدمه



ليست هناك تعليقات: