الاثنين، 14 نوفمبر، 2011

زيارتي لمركز تيجان الدولي لطب الاسنان






 اليوم  اخذت بنتي  لمركز تيجان الدولي لطب الاسنان فرع السالميه بعد ما امدحتهم  لي صديقتي اللي تعالج عندهم  وتقول عنايتهم ممتازه  ..... وقلت بالمره افتح لي ملف وادخل على الدكتور لان عندي ضرسين هاملتهم من زمان ويبي لهم علاج  ولحسن حظنا ان بهالفتره عندهم عرض (فتح الملف والاشعه والفحص مجانا) .


المكان مريح نفسيا والديكورات اعجبتني راقيه وما تحسس المريض انه في عيادة اسنان مثل باجي العيادات اللي من الواحد يدخل لها يحس بالرهبه والخوف .... كانت موظفة الاستقبال بشوشه وحبوبه مع ان المكان كان مزدحم بالمراجعين .... بسرعه ييه دورنا وفي البدايه سوو لنا اشعه على جميع الاسنان وعجبني جهاز الاشعه متقدم وأول مره يمر علي هالنوع سهل ومريح للمريض ....






بنتي ضرسها ملتهب ومايقدرون يعالجونه الابعد المضاد والدكتور شهرام  حبوب وطول الوقت يتغشمر مع بنتي لانها كانت خايفه








وانا دخلوني على الدكتور هاني وضرسي يبي له خلع وكان يبي يشيله  لي بنفس الوقت بس ماكنت متهيأه نفسيا وطلعت لي حجه من الخوف قلت  له انا يايه ابروحي بالسياره وايي بوقت ثاني بس كلامه ريحني نفسيا بأني ماراح احس بألم ولازم اشيله قبل لا يلتهب وندخل في مشاكل ثانيه واخذت موعد لي ولبنتي بعد اسبوعين وان شاء الله بروح وبخلي الخوف على صوب 






               شكر خاص  للسيد / جمال الدراغمة - مدير فرع السالميه لترحيبه وتقديمه لي الصور والمعلومات المطلوبه


الخط الساخن : 22251515

ليست هناك تعليقات: