الأربعاء، 30 نوفمبر، 2011

الثلاثاء، 29 نوفمبر، 2011

Marni x H&M 2012



بعد النجاح اللي تحقق  في H&M مع فرزاتشي  يعلن عن تعاون  جديد مع MARNI في بداية ٨ مارس ٢٠١٢ في حوالي ٢٦٠ متجر من متاجرH&M المنتشره حول العالم (( من الحين تزهبو يا بنات))






مارجريتا فان دين بوش  مستشار الإبداعية في H & M  مع  كونسويلو كاستيغليوني المؤسس والمدير الإبداعي في مارني




الأمريكيون يقضون إجازتهم في البر بعد



صور نشرتها وكالات الأنباء حول تجمع السنوي يقام في ولاية كاليفورنيا الأمريكية للدراجات والسيارات البرية، حيث يقصد مئات من الناس منطقة جلامس التي تتميز بوجود الكثبان الرملية العالية والتي تمكنهم من قضاء نهاية اسبوع شيق في الصحارى الأمريكية.






الاثنين، 28 نوفمبر، 2011

N-BAR


بالآونه الاخيره انتشرت صالونات المختصه بجمال الاظافر  ويعتبر " انبار " من الصالونات الاولى بهذا المجال تأسس عام ٢٠٠٤ ....  " انبار " من افضل الصالونات المختصه بجمال وصحة الاظافر بالنسبه لي  وايد ارتاح لشغلهم وكل مره اطلع منهم بستايل يديد .



مجموعة الاصباغ كبيره  متجدده وكل اللي في بالي احصله عندهم ودايما يوفرون  الالوان اللي تماشي  آخر صرعات الموضه


لينا من اقدم العاملات بالصالون  وافضلهم بالنسبه لي 


ضيافة انبار المتميزيين  فيها دائماً




جميع العاملات بالصالون حبوبين 


بالاخير خرمت كرتي الخاص فيهم ومثل ما انتو شايفين  ما بقى لي شي واحصل على بديكير مجاناً 

ت : ٢٥٧٥٧٥٤٠

الجمعة، 25 نوفمبر، 2011

توحة اللي ببرنامج القايله 103.7


اهل الدوامات  واللي ايبون اعيالهم من المدارس اغلبهم يعرفون برنامج القايله اللي باذاعة دولة الكويت 103.7 من الساعه وحده الظهر لغاية الساعة ثلاث العصر ... كل يوم خميس عندهم شخصيه اسمها توحه يروح مكان واللي بالاذاعه يطلبون طلب واللي يروح حق توحه ويقدمه ياخذ جائزه ... مره كان بشارع الحب ومره بابيات وهالخميس كان تحت الابراج وطلبهم علم لكويت وعلم كوريا وكاكو بونجوم وكتاب العربي للصف الخامس والناس يحليلهم يروحون ويفوزون ..... كنت جريبه يم الابراج وماعندي ولا طلب من طلباتهم قلت الا اروح اشوف توحه لان طريقته حلوه وتضحك والله مريت وكان موجود بالمواقف  تحت الابراج سلمت عليه وقلت له بصورك يحليله رحب فيني واستانس .



بهالصور كان ياكل كاكو بونجوم  واحد من طلبات المسابقه واللي ياب الكاكاو فاز بتلفزيون LG  عليه بالعافيه ... سأله المذيع من وين يبت الكاكاو قال اعيالي الصبح قبل لا ينزلون المدرسه نسوه :)



تجربة القيادة سيارات فولكس واجن


اليوم الخميس الساعه ١١ صباحا لبينا دعوة اوصلتنا من شركة بهبهاني للسيارات لتجربة سيارات فولكس واجن بالمرينا كرسنت .... اول ما وصلنا رحبو فينا واسمنا كان بلستة ال vip .... ألقينا نظره على السيارات وتعرفنا على مميزات السيارات مثل :  إيوس ، غولف ، غولف GTI، شيروكو ، جيتا ، باسات ، فايتون ، تيغوان و طوارق .



ألقى  المدير العام للشركة  كلمة  ورحب بالجمهور وافاد ان الحمله الترويجيه للقياده والتعريف سوف تستمر ثلاث ايام  تعتبر اكبر حمله ترويجية من نوعها بالكويت   لاكثر من ٢٧ سياره .









كل شي جميل ومنظم لكن الشي اللي ما عجبني ان مافي ترتيبات خاصه لل VIP وماحسينا بفرق كلش ما بينا وبين عامة الناس ... المفروض المدعوين يتميزون بهويات او بالاسوار اللي عادة ينحط بالايد علشان  نكون احنا السباقين بالتجربه واللي حصل ان وقفنا بالدور وسجلنا استماره جنه احنا اللي يايين مو مدعوين وفي ناس من بره غير المدعوين اختارو السيارات وجربوها قبلنا مع العلم ان التجربه ممتده لمده ثلاث ايام لعامه الناس ، وبهالسبب اكتفينا بالمشاهده وماحبينا نجرب القيادة .



الأربعاء، 23 نوفمبر، 2011

(Th'haba) ذهبة




ابداع ايادي كويتية لتصاميم راقيه من المجوهرات الفريدة من نوعها تراجي أساور خواتم والقلايد والاسم عجبني وشدني حيل (ذهبة) معناتها باللغه الكويتية وصف المرأة بالثمينه مثل الذهب


عندهم معرض جريب بالتواريخ المذكوره بالاعلان  بالتوفيق يارب وان شاء الله نشوفكم بمحل خاص فيكم لان شغلكم ابداع









For orders and inquiries please contact us
Cell: (965) 5535-3805
   e-mail: thhaba.jewelry@gmail.com 
FB : Link


الأحد، 20 نوفمبر، 2011

رالي الكويت المحلي ١٨-١٩ نوفمبر ٢٠١١


يوم الجمعه ١٨ نوفمبر حضرت انطلاقة رالي الكويت امام فندق هوليداي ان - السالميه  كان الجو العام منظم ممتع  والشي اللي لفت نظري تواجد العوايل يعني المكان مو منحصر للشباب .


 والساعه ٧:٣٠ مساء بدا الاعلان عن البطوله  وانزلت ستاره من الالعاب الناريه من منصة الانطلاقه وبدت السيارات بالدخول تحت المنصه واحده  ورا الثانيه كان منظر السيارات عجيب  واللي عرفته ان  السيارات مجهزه تجهيز غير عادي وتحت شروط الامن والسلامه وكان عدد السيارات المشاركة ١١ سياره وجميع السواق من الكويت










وباليوم الثاني اللي اهوا يوم السبت أصريت اني  اروح  بنيدر لاني تحمست و حبيت اتابع الفرق المشاركه واشوف الرالي على الطبيعه ... كان مكان التجمع في بنيدر يم المسجد واللي شدني وجود الشرطه والاسعاف والمطافي


 الساعه ٩:٣٠ بدت انطلاقة اول سياره كانت المراحل عباره عن ٦ لفات شكل السيارات يونس ويخرع بنفس الوقت ما اتخيل نفسي داخل اي سياره من السيارات احس يوقف قلبي من السرعه اللي شفتها " الله يحفظهم "




 






كانو المشجعين وايد ومتوزعين على كبر البر ومتحمسين للرالي نفسي والكل ملتزم بالمكان المخصص  اللي مايعيق السيارات المتسابقه ولسلامة الجميع





انتهى الرالي الساعه ٢:٣٠ بفوز المتسابق مشعل النجادي  اللي سيارته برعاية الخطوط الجويه الكويتيه الحاصل على بطولة الشرق الاوسط للراليات اكثر من مره .


الفائزين بهذي البطوله حسب الترتيب هم :

المركز الاول ( مشعل النجادي ومساعده احمد الخرس )
المركز الثاني ( مسعود الصالح ومساعده عثمان همدار )
المركز الثالث ( صلاح بن العيدان ومساعده ناصر الكواري )
المركز الرابع ( عصام النجادي ومساعدة انور الشراح )
المركز الخامس ( صالح العلي ومساعدة علي الفيلكاوي )



والرالي ما انتهى على جذيه وبس كان بالليل حفل عشاء على شرف الفايزين وتوزيع الكؤوس في فندق الهوليدي ان - السالميه ، انا ما حضرت العشاء لكن اوصلتني الصور من مصادري الخاصه ;)


الفائزين بالمركز الاول والثاني والثالث بالمؤتمر الصحفي واللي شدني ولفت انتباهي الكؤوس وايد حلوه فكرتها غير اعتياديه ومو مكرره


فريق الفائز بالمركز الاول مشعل النجادي مع  رئيس لجنة الراليات بنادي الربع ميل الشيخ عذبي الصباح