J & R Creations

الحين  الهبه اليديه اللي مكتسحه السوق اهي علاليق الموبايلات  عباره عن قلاده طويله  من الخرز  يتعلق بطرفها الموبايل وتنلبس اما كروس او بالطريقه العاديه بالرقبه  ، حبيت تصاميم J & R  لعلاليق الموبايل  لمسات كويتيه بتصاميم راقيه  وتقدرون تطلبون التصميم الخاص فيكم علي حسب اللون والديزاين  

التوصيل عندعم مجاناً 

للطلب والاستفسار عن طريق الواتساب ٦٠٩٠٩٩٣٦

انستغرام : jrcreationsq8@

www.j4you.com

Regency Hotel Kuwait - Ladies Lounge

الصيف بالكويت حاااار والكل حاسدنا عليه واحنا نتأفف وما انعرف نستغل هالنعمه اللي احنا فيها ، قررت استمتع بالاجواء الصيفيه قلت مالي إلا فندق الريجنسي انا سامعه عندهم لونج خاص للنساء فقط  ومن زمان ودي ازورهم ، ضبطت اموري واتفقت مع صديقتي ورحنا

دخلنا الاستقبال الخاص باللونج قمنا باجراءات الدخول وعادي مو شرط حجز مسبق أستلمنا مفاتيح اللوكرات  

 اللونج معزول عباره عن مبنى من طابقين الاول صاله والاوضي حمام سباحه خارجي والسرداب للشورات وغرف التبديل  

 الطابق الاول صاله كبيره فيها  قعدات مريحه بديكورات هاديه  ولها شبابيك كبيره  تطل علي حمام السباحه الرئيسي للفندق ومن جهه ثانيه تطل علي حمام السباحه الخاص بالنساء هالشبابيك عاكسه بحيث ان اللي بره ما يشوف اللي داخل وفي كاونتر يقدم الوجبات الخفيفه والمرطبات  

نزلنا السرداب علشان نبدل ونحط اغراضنا باللوكر المكان نظيف ومرتب

يا حلات المكان هادي ومناسب للاسترخاء واحلا شي تصميمه اللي يتميز بالخصوصيه يعني مناسب للمحافظات اللي مايحبون الاختلاط والمتحجبات يقطون حجاباتهم ومايحاتون شي  

كراسي الاسترخاء اشكال وألوان منشره بكل مكان ، تقريباً المكان يكفي لـ ١٥٠ سيده بس اعتقد في عدد معين لعدد الحضور علشان لايصير زحمه وما يفقد المكان هدوئه  

 تحت اشعة شمسنا الحنانيه يبيلنا نطلب شي بااارد ومنعش والمنيو فيه عدة اختيارات متنوعه  

  معلومه يمكن مو الكل يعرفها للي يبي يسوي  تان يكثر من شرب عصير الجزر لانه يحفز الاصباغ في الجسم 

البحر صغير وملموم 

بوقت الغدا حبينا ناخذ وجبه خفيفه ونتبرد اشويه داخل بالصاله

عندهم هالمجموعه للعنايه بالشعر الخاصه لرواد البحر وحمامات السباحه

الحمدلله تجربتي موفقه باختياري لاستراحة النساء بفندق الريجنسي استمتعت بوقتي واكيد راح اكون زبونه دايمه خلال فترة الصيف وحبيت عرضهم  تقدرون تشتركون معاهم وتصير عندكم عضويه لموسم كامل او لفتره ثلاث شهور ومن خلالها تستمتعون بمميزات وخصومات مو بس داخل صالة السيدات بعد تشمل الغرف في الفندق والاكل والشرب في مطعم طريق الحرير و الليوان .

يوميا من ٩ صباحا لغاية ٧ مساء

لمزيد من المعلومات اتصل على 25766749

The Regency Hotel Kuwait Link

رايكم واقتراحاتكم تهمني تابعوني علي الانستغرام Surprise_More@

مشاركة لويس فويتون بمزاد أونلي واتش العلني ٢٠١٣

تفخر دار لويس فويتون بأن تشارك للمرة الرابعة في مزاد أونلي واتش العلني، وهي تقدّم في هذه المناسبة ساعة Tambour Spin Time Regatta المصمّمة بنسخاتها الثلاث الأخيرة بالتعاون بين بول بيتافينو وفريق عمل لويس فويتون .

ولنسخة العام 2013 قرّر بول أن يغيّر عن اللون البرتقالي ليعتمد اللونين الأحمر والأزرق . وقد عمل بول على اختيار أو تصميم كل التفاصيل مثل الزورق الذهبي المنقوش باليد ، والمغطّى بالمينا ، أو شعار لويس فويتون المرسوم على الصندوق من قماش الكانفا بنقش دامييه المرافق للساعة.

Purpura Boutique

الاسبوع اللي طاف كنت معزومه علي ايڤنت للافتتاح الرسمي لبوتيك Purpura Fashion في مجمع الغوالي تصاميم الملابس حلوه وراقيه 

هنوف صاحبة البوتيك ومصممة هالازياء الراقيه استقبلتنا ورحبت فينا

نوف حسين بدراعه رمضانيه من الكولكشن الجديد

الكولكشن متنوع فيه الكاجوال والكشخه

الديكوريشن والتنظيم الحلو من لمسات نوف حسين PLTQ8@

نوف حسين وزميلتي تينا من بلوق Q80EAN@ 

الحبوبه هنوف تمنياتي لچ بالتوفيق يارب

Purpura_fashion@